Red Dawn
Red Dawn (op plattdüütsch so veel as „Root Dämmern“; dt. Titel: Die rote Flut) is de Titel vun en US-amerikaanschen Kriegsfilm ut dat Johr 1984. Speelbaas weer Robert Milius. In den Film warrt de fiktive Geschicht vertellt, woans kubaansche, nicaraguaansche un sowjetsche Truppen in de USA infallt, wat en poor junge Lüüd dorto bringt, en Guerilla-Trupp to grünnen.
| Filmdaten | |
|---|---|
| Plattdüütsch Titel: | — |
| Originaltitel: | Red Dawn |
| Düütsch Titel: | Die rote Flut |
| Produkschoonsland: | USA |
| Johr vun’t Rutkamen: | 1984 |
| Läng: | 109 Minuten |
| Originalspraak: | Engelsch |
| Öllersfreegaav in Düütschland: | FSK 18 (ehmols indizeert) |
| Filmkru | |
| Speelbaas: | John Milius |
| Dreihbook: | Kevin Reynolds John Milius |
| Produkschoon: | Buzz Feitshans Barry Beckerman |
| Musik: | Basil Poledouris |
| Kamera: | Ric Waite |
| Snitt: | Thom Noble |
| Dorstellers | |
| |
De Film keem an’n 10. August 1984 in de US-amerikaanschen Kinos. In Düüschland weer de Filmstart an’n 21. Dezember dat glieke Johr. Hiertolannen hett de Film dulle Reakschonen mit sich bröcht. Dat geev bannig Protest vun Fredensaktivisten, wat in eenige Städer as Berlin, Düsseldörp oder Freiburg dorto föhrt hett, dat de Film gau wedder afsett worrn is[1]. In Düütschland weer de Film lange Tiet indizeert. Siet den 30. November 2001 is de nu aver af 18 Johren in’n Hannel[2]. In’t düütsche Feernsehn lööpt he to’n eersten mol an’n 14. Oktober 1995 op RTL. In’t Johr 2010 is en Remake dreiht worrn.[3]
Inholt
ännernCalumet is en lütte Stadt in’n US-Bundsstaat Colorado. An en normalen Dag in’n Harvst lannt op eenmol Fallschirmjägers vör de School. As de Schoolmeester Mr. Teasdale nafragen will, wat los is, warrt he foorts doodschaten. De Soldaten hebbt en Barg vun Wapen dorbi un scheet op allns, wat sik bewegen deit. Alleen en Handvull Schölers künnt mit jemehr Auto utneihn. Se versorgt sik mit Proviant, Munition un Gewehren un verstekt sik in de Bargen. Mit de Gewehren künnt se jagen un sik sülvst versorgen.
Afsneden vun de Butenwelt wasst de Unsekerheit, wat nu egentlich passeert is. So kiekt se in de Stadt na un warrt dor wies, dat de Sowjets un Kubaners lannt sünd un jemehr Öllern in Lagers fangen holt. Vele sünd doodschaten worrn. Se vergaht sik an de Fronslüüd, verbrennt Böker un gaht mit brutale Gewalt vör. Help un Informatschonen kriegt se vun Mason, de sien Hoof buten de Stadt hett. He schickt sien beiden Enkeldöchter Toni un Erica mit de Jungs in de Bargen.
As de Schölers in’n Woold ünnerwegens sünd, drapt se op en lütte Grupp vun sowjetsche Soldaten, de jem ok glieks mit jemehr Maschienengewehren angriepen doot. De Schölers wehrt sik un künnt de Feenden utschalten. Nu, dat se markt hebbt, dat se de Feenden ok doodscheten künnt, besluut se, gegen jem to kämpen. Üm den Dood vun de Soldaten torüch to betahlen laat de Sowjets aver Inwahners vun de Stadt apentlich henrichten. So billt sik ut de Schölers en Wedderstandsgrupp, de sik Wolverines nöömt un in Partisanentaktik jümmer wedder lütte Angrepen op de Feenden dörföhrt. Kloor, dat jümmer Angrepen den Krieg nich opholen künnt, man för jem tellt jede Feend, de dood is.
Vun den afschaten US-Fleger Andy warrt se wies, dat nich de helen USA besett sünd. Dat gifft also för jem noch Hapen, ok wenn de meesten Landslüüd, de nich mit de Bestters tohopenarbeiten wüllt in de Twüschentiet in Lagers interneert sünd. De Fleger vertellt jem ok, dat de Sowejtunion to glieken Tiet ok’n Krieg mit China anfungen hett, nadem se toeerst mit Atomwapen mehrere Millionen Chinesen ümbröcht harrn. De amerikaansche Soldat blifft bi de Jungs. Se maakt mit jemehrn Guerillakrieg wieter un warrt dorbi vun de Inwahners ünnerstütt, ofschoonst jümmer wedder Lüüd henricht warrt, wenn en Angreep Leven köst hett.
Blau: De USA un Verbünnte (Kanada, dat Vereenigt Königriek un de Volksrepubliek China)
Root: De Sowjetunion un Verbünnte (Kuba un Nicaragua) mit de besetten Rebeden
Gröön: De neutralen Staaten vun Westeuropa
De roden Punkten wiest Städer as Washington D.C., Omaha, Kansas City un Peking, de vun Atombomben tonichten maakt warrt.
Man ok de Jungs sülvst blieft nich ahn Verlusten. As rutkummt, dat nu jüst de Söhn vun’n Börgermeester de Wolverines verraat hett, drauht de Grupp uteneen to breken. Jed, de dat Seggen bi de Wolverines hett, lett den Jungen doodscheten. As een Johr Krieg vörbi is, leevt blots noch de Hälft vun de jungen Lüüd. Ok de Andy, de jem veel bibröcht hett, is lang al dood. Jem warrt kloor, dat se nich mehr lang dörholen künnt. Jed un Matt besluut nu, de Feenden mit en Angreep aftolenken, wiel de annern beiden in dat „Fre’e Amerika“ utrieten schüllt. De Plaan geiht op, man de beiden Bröder överleevt jemehr Manöver nich. Jem to Ehren besöcht de Vertellersche an’n Johrsdag vun’t Kriegsenn dat Denkmol, dat för de Wedderstandsgrupp Wolverines opstellt worrn is. Dorop steiht de Inschrift:
- … In the early days of World War 3, guerrillas – mostly children – placed the names of their lost upon this rock. They fought here alone and gave up their lives, so that this nation should not perish from the earth. (översett … In de Anfangsdaag vun’n 3. Weltkrieg schreven Guerrillas – tomehrst Kinner – de Naams vun jemehr Fallenen op dissen Felsen. Se hebbt hier alleen kämpt un jemehr Leven geven, ümdat disse Natschoon nich vun de Eer tilgt weer.)
Kritiken
ännernRed Dawn is twee Johren na Ronald Reagan sien Reed över „Dat Riek vun’t Böse“ entstahn. De ümstredene Film mutt dorüm as Produkt vun’n Kolen Krieg ansehn warrn
Time Magazine: Bei „Die rote Flut“ handelt es sich um eine Allegorie, die geschickt entworfen wurde, um die Moral des Vietnamkriegs umzudrehen. Die USA werden von kommunistischen Truppen besetzt (Kubaner und Nicaraguaner im Dienste der Sowjets), und amerikanische Teenager als Helden und Heldinnen ziehen sich in die Berge von Colorado zurück, um eine Guerilla-Truppe aufzubauen. So sind jetzt Amerikaner der Vietcong, die kleinen Leute, die Underdogs, die für ihr eigenes Land kämpfen. Die Sowjets sind jetzt die unterdrückende Großmacht (wie die Amerikaner in Vietnam), die Eroberer mit überlegenen Kräften und den todbringenden Kampfhubschraubern. So liegt die Schuld bei den Sowjets, und über das amerikanische Kinopublikum kommt eine eigenartige, sublime Absolution.
Süddeutsche Zeitung: Milius' jugendliche Helden sind ein Ausbund an Sauberkeit, Intelligenz und Opferbereitschaft, während ihre sowjetischen Gegenspieler sich durch viehische Brutalität und durch Dummheit auszeichnen.
Hellmuth Karasek segg in’n Spiegel mit Blick op Reagan sien Oprüstprogramm wegen de Neutronenbomb un dat SDI-Programm: Der Film, offensichtlich zur moralischen Aufrüstung gedacht, verfehlt sein Ziel auf das bedenklichste und ist richtig wehrkraftzersetzend. Denn was braucht der Westen, was braucht die freie Welt Raketen, Neutronenbomben und Laserkanonen, wenn es doch reicht, daß ein paar Schüler nach der Schule statt zum Football zum Partisanenkrieg gehen?[4]
Utteken
ännernDe Film hett keen Priesen afkregen. Man, 1985 weer Brad Savage as Best Jungdorsteller in en Nevenrull in en Speelfilm för den Young Artist Award nomineert.
Borns
ännern- ↑ Rote Flut – eingedämmt?, Der Spiegel 2/1985
- ↑ Die Rote Flut op ofdb.de
- ↑ Red Dawn bi IMDb
- ↑ Hellmuth Karasek: Weltkrieg als Western, Der Spiegel, Ausgabe 52/1984
Weblenken
ännern- Red Dawn in de Internet Movie Database (engelsch)
- Kritiken to’n Film op Rotten Tomatoes