Reformatschoon
De protestantsche Reformatschoon weer en Bewegung in den 16. Johrhunnert, de toerst de kathoolsche Kark reformeren wull. Man dat hett nich funkschoneert un toletzt hett dat to niegen Karken föhrt. De wichtigsten weern de evangeelsch-luthersche Kark, de evangeelsch-reformeerte Kark un de Döpers (Mennoniten un Hutterer)
Bi de Reformatschoon hett ’n Barg vun Reformaters mitmaakt, to’n Bispeel: Martin Luther, de in Düütschland de bekannteste Reofrmater is, man he weer nich de eerste un ok nich de letzte Reformator. He hett de lutherische Kark anfangen. Man he wull, dat dat nich na em nöömt warrt, man "evangeelsch" heten schull. Ulrich Zwingli het de Reformatschoon in de Swiez inföhrt. Sien Ideen hett he sülben ut de Bibel rutfunnen, man dat weer liek den Ideen vun Luther, de sien Ideen ok ut de Bibel harr. Johannes Calvin weer een Franzoos. He harr ok mit de Reformatschoon in de Schweiz to doon un is denn laterhen so wat as de Baas vun de Reformeerte Karken in Europa worrn. John Knox hett de Reformatschoon na Schottland bracht. Reformaters in Noorddüütschland, de ook up Plattdüütsch oder Middelsassisch schreven Gottschalk Kruse un Harmen Tast.
Weblenken
ännern
Bi’n Wikiborn gifft dat Originalschriften över dat Thema oder vun den Schriever: Reformatschoon (op hoochdüütsch).
- Marcel Nieden: Die Wittenberger Reformation als Medienereignis, in: Europäische Geschichte Online (hoogdüütsch)
- Reformeert Historie (Reformeert Bund, hoogdüütsch)
- Themenportaal „Reformation“ up historicum.net