Richie Rich

Richie Rich, mitünner ok in de Schrievwies Ri¢hie Ri¢h, (op Platt so veel as „Richie Riek“) is en US-amerikaansch Filmkummedie vun Donald Petrie ut dat Johr 1994.

Filmdaten
Plattdüütsch Titel:	—
Originaltitel:	Richie Rich
Düütsch Titel:	Richie Rich
Produkschoonsland:	USA
Johr vun’t Rutkamen:	1994
Läng:	90 Minuten
Originalspraak:	Engelsch
Öllersfreegaav in Düütschland:	FSK 6
Filmkru
Speelbaas:	Donald Petrie
Dreihbook:	Jim Jennewein, Tom S. Parker, Neil Tolkin
Produkschoon:	Joe Bilella, John Davis Dan Kolsrud, Jon Shapiro Joel Silver
Musik:	Alan Silvestri
Kamera:	Don Burgess
Snitt:	Malcolm Campbell
Szenenbild:	James Spencer
Kledaasch:	Lisa Jensen
Dorstellers
Macaulay Culkin: Richie Rich Jonathan Hyde: Herbert Cadbury Edward Herrmann: Richard Rich Christine Ebersole: Regina Rich John Larroquette: Lawrence Van Dough Michael McShane: Professer Keenbean Chelcie Ross: Ferguson Mariangela Pino: Diane Pazinski Stephi Lineburg: Gloria Pazinski Claudia Schiffer: Aerobic Trainersche

Inholt

Richie Rich (mitünner ok in de Schrievwies Ri¢hie Ri¢h) is de eenzige minnerjohrige Jung vun de Milliardären Richard un Regina Rich, de in Suus un Bruus un mit allns, wat en sik vörstellen kann, opwassen deiht. Na en Fleger-Katastrooph warrt sien Öllern vermisst. En poor Mitarbeiters vun de Familie, de dat mit dat Recht nich so nau nehmt, versökt, an jemehr Riekdömer rantokamen, de se in en sekerten Ruum vermoden doot. De Öllern harrn neemlich jümmer dorvun snackt, dat se dor jemehr Weertsvullstet opbewohrt. Richie övernimmt dat Seggen in de Familie un de Firma un organissert tohopen mit den troen Dener Cadbury de Afwehr. Dorbi warrt se vun eenige Kinner ünnerstütt, de to Richies Fründskreis höört.

Opletzt künnt de Öllern reddt warrn un kehrt torüch. Un as sik rutstellt, weern mit de gröttsten Riekdömer gor nich weertvulle Saken meent, de veel kösten doot, man en ganze Reeg vun persönliche Saken, da an fröhere Beleevnissen denken helpt un dorüm blots för de Richs vun Weert sünd.

Kritiken

Roger Ebert hett in de Chicago Sun-Times von’n 21. Dezember 1994 schreven, dat de Film de oole Geschicht vun en rieken Jung wiesen de. He vergleek den Film mit de Filmen ut de 1930er Johren, womit he mehr liek harr as mit de modernen Filmen. Ebert meen, he weer baff, dat em de Film gefallen harr.

Utteken

Macaulay Culkin weer 1995 för de Golden Himbeer nomineert.

In’n Achtergrund

De Film is in’n Asheville (North Carolina), in Chicago, in’n Freetietpark Six Flags Great America in Gurnee (Illinois) un in Gary (Indiana) dreiht worrn. In dat Filmjohr 1998 hett de Film in de USA ruchweg 38,1 Millionen US-Dollar inspeelt.

1998 weer ok en tweeten Deel dreiht ünner den Titel Richie Rich’s Christmas Wish (dt.: Richie Rich: A Christmas Story) mit David Gallagher in de Hööftrull

Weblinks

• Richie Rich in de Internet Movie Database (engelsch)