Richard Depoorter
Richard Depoorter (* 29. April 1915 in Ichtegem; † 16. Juni 1948 in Wassen) weer en belgisch Radrennfohrer.
Richard Depoorter wurr 1937 Profi-Radrennfahrer. Sien gröttste Erfolge weern de beid Siege bi dat Rennen Lüttich-Bastogne-Lüttich, in den Johren 1943 un 1947 (hier vör Raymond Impanis un Florent Mathieu). He gull tonächst as Spezialist för Eendagsrennen un is eerst 1948 bi Rundfohrten an den Start gahn. So wurr he 1948 Fieft bi de Luxemburg-Rundfohrt.
Ebenfalls 1948 is Depoorter bi de Tour de Suisse antreeden. Up de veert Deelstreck vun Thun nah Altdorf is he, de to dissen Tietpunkt up utsichtsriek Positschoon för Platz 2 in de Gesamtwertung leeg, in en schlecht utlücht Tunnel bi Wassen to Fall kommen.
Tonächst hett dat heeten, dat he an de Folgen vun den Unfall sofort storven weer. Bi twee latere Autopsien in Belgien stell sück aber herut, dat dat Reifensporen an Depoorter sien Körper geev, todem hemm mehrere Tüügen, dorünner de franzöösch Journalist Jean Leulliot as ok de Sportliche Baas vun de franzöösch Mannschap La Perla, Francis Pélissier, angeeven, dat hüm en belgisch Begleitfohrtüüch överfohren harr. Nah de Utseggen vun anner Tüügen harr de Tour-Leiter Carl Senn disse anwiest, över den vun de beobacht Hergang vun den Unfall to swiegen. 10 Johr hemm de Rechtsstriedereen düürt, bit de Fohren vun dat Begleitfohrtüüch to söss Maand Haft un an Schadenersatz an de Wittfru in Hööcht vun 1,5 Millionen Belgisch Franc veroordeelt wurr.
To den 60. Doodsdag vun Depoorter is en Delegatschon mit den Ichtegemer Börgermeester vöran to en Gedenkveranstaltung nah Wassen reist un hett Blömen an de Unglücksstäe daalleggt. Todem wurr en Gedenktafel enthüllt. De Tunnel heet hüüd Depoorter-Tunnel.
Literatur ännern
- Koenraad Vandenbussche: Leven en dood van Richard Depoorter. Verlag Coemandruk-Bazuin, 1997