Richard Kiel

Richard Kiel (* 13. September 1939 in Detroit, Michigan; † 10. September 2014 in Fresno, Kalifornien) weer en US-amerikaanschen Schauspeler. Bekannt woorn is Kiel för allen dör sien Rull as Jaws (dt. Rullennaam: Beißer) in de beiden James-Bond-Speelfilmen The Spy Who Loved Me un Moonraker.

Leven un Wark

Richard Kiel füll dör sien Grött vun 2,18 m op, de vun de Hormonstören Akromegalie utlööst warrt. Al mit 18 Johren weer he över twee Meter groot. Kiel weer toeerst Schoolmeester för Mathematik, bit he en Filmproduzent opfallen is, de em en Gastrull in de Feernsehreeg Laramie (dt.: Am Fuß der Blauen Berge) anboden hett. Vun de Tiet an is he jümmer wedder in Feernsehregen to sehn wesen un is so en bekannt Gesicht in’t amerikaansche Feernsehn worrn.

In’t Johr 1976 speel he in den Film Silver Streak (dt.: Trans-Amerika-Express)hett he de Rull vun Reace speelt, de as „Rees mit en nich sünners fein Bitt“, dat vullstännig ut Goldtähn bestünn. So is he ok de Produzenten vun de James-Bond-Filmreeg opfallen, de em för de Rull vun Jaws in The Spy Who Loved Me engageert hebbt – en Figur, de in’n Roman vun Ian Fleming gor nich vörkummt. För den Film müss Kiel en Bitt ut Metall drägen, dat em meist to’n Breken bröcht hett. De Bond-Dorsteller Roger Moore müss doran torüchdenken, dat he dat kuum mitansehn künn, wenn Kiel dat wörgen kreeg un sik dat Bitt ut’n Mund rieten müss. Kiel sülvst meen diorto, dat em de Dreiharbeiten groten Spaaß maakt harrn un dat Bitt man blots en lütt Övel wesen weer.

Bi de Tokiekers, de den Film to Proov keken hebbt, is de Figur bannig goot ankamen.Ut den Grund hebbt de Schrievers Jaws an’t Enn nich an de Siet maken laten, as dat normalerwies in Bond-Filmen bi de Helpslüüd vun den Bööswicht begäng is. As de Film in de Kinos keem, weer dat en groten Spood, un de Kiel keem noch beter an bi de Tokiekers, as he dacht harr. Jaws is nich blots bi Fans vun de Bond-Reeg populär, man he is de Antiheld överhaupt worrn. De Produzenten hebbt sien Popularität nütt un de Rull Jaws noch en tweet mol in en Film inboet, neemlich in Moonraker. To’t Enn vun’n Film sleiht sik Jaws op de Siet vun James Bond un helpt em de Bösen an de Siet to maken. Ok hüüt noch warrt bi Kiel jümmer wedder Autogrammen vun sien Rull as Jaws nafraagt.

In’t Johr 1991 harr Kiel en Autounfall un bruuk siet de Tiet en Help to’n Gahn. För längere Strecken bruuk he en Rullstohl, de mit Batterien bedreven warrt, vun wegen dat he siet den Unfall Lasten mit dat Gliekgewicht harr.

Filmografie (Utwahl)

Johr	Titel	Synchroonsnacker
1961	The Phantom, Feernsehn
1962	Eegah
1963	House of the Damned
1963	Lassie’s Great Adventure
1965	The Human Duplicators dt.: FBI jagt Phantom	Gert Günther Hoffmann
1967	A Man Called Dagger
1974	The Longest Yard dt.: Die Kampfmaschine	Alexander Welbat
1975-76	Barbary Coast, Feernsehreeg dt.: Die Küste der Ganoven	Joachim Cadenbach
1976	Flash and the Firecat dt.: Die Buggy-Bumser
1976	Silver Streak dt.: Trans-Amerika-Express
1977	The Spy Who Loved Me dt.: Der Spion, der mich liebte	(stumm)
1978	Force 10 from Navarone dt.: Der wilde Haufen von Navarone	Arnold Marquis
1979	L’umanoide dt.: Kampf um die 5. Galaxis	Helmut Krauss
1979	Moonraker dt.: Moonraker – Streng geheim	Hartmut Neugebauer
1981	So Fine dt.: Der ausgeflippte Professor	Herbert Weicker
1983	Hysterical dt.: Ein Sprung in der Schüssel	Arnold Marquis
1983	Phoenix
1984	Zuijia paidang zhi nuhuang miling dt.: Mad Mission 3 – Unser Mann von der Bond Street	Karl Schulz
1985	Qing bao long hu men
1985	Pale Rider dt.: Pale Rider – Der namenlose Reiter
1989	The Princess and the Dwarf
1989	Think Big dt.: Highway Chaoten	Kurt Goldstein
1991	The Giant of Thunder Mountain
1996	Happy Gilmore dt.: Happy Gilmore – Ein Champ zum Verlieben	Karl Schulz
1999	Inspector Gadget dt.: Inspektor Gadget
2010	Tangled, Stimm dt.: Rapunzel – Neu verföhnt	Tilo Schmitz

Utteken

Utteken oder Ehrungen mit grote Filmpriesen weern Kiel nich vergünnt. Man, he weer eenmol för den Saturn-Pries nomineert in de Kategorie Best Nevendorsteller för sien Dorstellen in den Bond-Film Moonraker.

Weblenken

Richard Kiel. Mehr Biller, Videos oder Audiodateien to’t Thema gifft dat bi Wikimedia Commons.

Richard Kiel in de Internet Movie Database (engelsch)
offiziell Richard-Kiel-Fanclub