Rigoberto Urán

Rigoberto Urán Urán (* 26. Januar 1987 in Urrao) is en kolumbiaansch Radrennfohrer.

Karriere

Rigoberto Urán wurr 2005 in de Junioren-Klass kolumbiaansch Meester in’t Straatenrennen un up de Bahn in de Disziplinen Eenerverfolgung, Punktefohren un Scratch. 2006 is he för dat Professional Continental Team Tenax fohren. Bi den Straten-Radweltmeesterschapen 2006 in Soltborg keem he up den 25. Platz in dat Eenzeltietforen in de U-23 Klass un up Platz 31 in dat Straatenrennen. 2007 harr he en Verdrag bi dat sweedsch ProTeam Unibet.com. 2008 wessel he to den spaanschen Eerstdivisionär Caisse d’Epargne. Van 2011 bit 2013 hörr he to dat Team Sky ProCycling an. Bi de Olympisch Spelen 2012 in London reck he in dat Straatenrennen den 2. Platz achter Alexander Winokurow. Sien eerst Deelstreckensieg bi en Grand Tour gelung hüm bi de eerste Bargankunft vun den Giro d’Italia 2013. Ok dör dissen Spood kunn he sück up den tweeten Platz nah vörn arbeiten un so to’n eersten Mal bi en Grand Tour up dat Podium stahn. Een Johr later wurr he nochmals Gesamt-Tweet bi den Giro d’Italia, ditmal achter sien Landsmann Nairo Quintana. In’n Harvst 2015 wunn he mit den Grand Prix Cycliste de Québec eerstmals en Eendagsrennen in de UCI WorldTour. Bi de Tour de France 2017 wunn he in de Hoochbargen de 9. Deelstreck vun Nantua nah Chambéry in‘n Teelsprintvun en sössköppig Spitzengrupp, ofschons he wegen en Schaltungsdefekt den Gang nich wesseln kunn^[1] un hett de Rundfohrt as Tweet 54 Sekunnen achter Chris Froome afslooten. Bi de Tour de France 2018 hett Uran nah de 11. Deelstreck wegen Besehren nah en Stört. De he sück up de vun Koppsteenplaasterpassagen präägt 9. Deelstreck, totrucken harr, upgeven.^[2]