Rinnat Ibragimowitsch Safin
Rinnat Ibragimowitsch Safin (russisch Риннат Ибрагимович Сафин}}; * 29. August 1940 in Bolshiye Yaki, Tatarstan; † 22. Oktober 2014) weer en sowjeetsch Biathlet un Olympiasieger.
Rinnat Safin hörr to de spoodrieksten sowjeetschen un internatschonalen Biathleten vun de tweet Hälft vun de 1960er un de eerst Hälft vun de 1970er Johren, ofschons he meest in den Schadden vun sien groot Landsmann Alexander Tichonow stunn, an de sien Siet he sien gröttste Erfolge halen kunn. Bi de Biathlon-Weltmeesterschapen 1967 in Altenberg verpass de Athlet vun Dynamo Leningrad as Veert um fiev Sekunn achter Jon Istad sien eerst Medaille över 20 Kilometer. In den Staffelwettbewarv wunn he gemeensam mit Tichonow, Wiktor Mamatow un Nikolai Pusanow achter dat norweegsch Team mit Sülver sien eerst internatschonale Medaille.
An de Olympisch Winterspelen hett Safin nich deelnommen. 1969 is he weer bi de Biathlon-Weltmeesterschapen, ditmal in Zakopane an den Start gahn. Achter Tichonow wunn he mit Sülver sien eerst aber ok eenzig internatschonale Eenzelmedaille, mit Tichonow, Mamatow und Wladimir Gundarzew in' Staffelwettbewarv sien eerst Goldmedaille. In Östersund wunn he den Staffelwettbewarv 1970 nochmal, nu mit Alexander Uschakow för Gundarzew.
1971 wunn Safin in Hämeenlinna to'n darten Mal Staffelgold, veert Mann weer nu Nikolai Muchitow. In' Eenzel reck he Platz fiev. 1972 nehm he in Sapporo an sien eenzig Olympisch Spelen deel. Reck he in' Eenzel mit Rang 19 en vergliekswies schlechte Platzeeren, wunn he mit Tichonow, Mamatow un Iwan Bjakow de Goldmedaille in' Staffelwettbewarv. Den veerten un letzten Weltmeestertitel mit de Staffel wunn Safin bi de Biathlon-Weltmeesterschapen 1973 in Lake Placid. Neben Tichonow und Safin hörrn Juri Kolmakow un Gennadi Kowaljow to de Staffel.