Rio Bravo
Laag Orange Walk, Belize
Stroomsystem Río Hondo
Läng 104 km
Born in’n Süden von’n Distrikt Orange Walk
Münn bi La Unión in’n Hondo River
rechte Blangenströöm Chan Chich Creek, Victoria Creek, Booth’s River

De Rio Bravo is en 104 Kilometer langen Stroom in’n Distrikt Orange Walk von Belize (un to en lütt Stück in dat Departamento Petén von Guatemala), de von rechts in’n Hondo River münnt.

Verloop ännern

De Stroom hett sien Born ganz in’n Süden von’n Distrikt Orange Walk. Von dor flütt he toeerst na Noordwesten un över de Grenz na Guatemala. Dor dreiht de Rio Bravo aver na Noordoosten un na üm un bi söven Kilometer flütt he wedder trügg över de Grenz na Belize. He löppt in’n Noordwesten von Gallon Jug langs un dör de Rio Bravo Conservation Area. Dorbi nimmt he von rechts den ölven Kilometer langen Chan Chich Creek un den 25 Kilometer langen Victoria Creek op.

In’n Süüdoosten von Blue Creek münnt de Booth’s River in’n Rio Bravo un de Rio Bravo dreiht na Noorden. Von dor sünd dat denn noch 13 Kilometer bet na de Münn in’n Hondo River, de hier de Grenz twüschen Belize un Mexiko billt (in de Neegd von La Unión, Mexiko). He kummt hier bi Blue Creek in besiedelt Rebeed. Dor geiht denn ok de Straat twüschen Blue Creek un San Felipe mit en Brügg över’n Stroom.

Von’n Born bet na’n Booth’s River löppt de Stroom dör Oorwoold (utbenahmen de Ümgegend von Gallon Jug). Von’n Booth’s River bet na de Münn is de natürliche Vegetatschoon Savann, de nu aver al to en groten Deel för de Bueree bruukt warrt.


Koordinaten:17° 55′ N, 88° 51′ W