Robert Fry Engle

Robert Fry Engle III (* 10. November 1942 in Syracuse, New York) is en US-amerikaansch Wertschapswetenschapler.

Präsident George W. Bush drapt söss Nobelpriesdräger van 2003. Robert Engle is de Darte vun links.

Leven

Engle hett sien Bachelor-Afsluss an dat Williams College maakt. 1966 bzw. keemen denn noch de Masters-Afsluss un de Doktertitel vun de Cornell University dorto.Van 1969 bit 1977 weer he Perfesser för Wertschapswetenschapen an dat Massachusetts Institute of Technology. Van 1975 bit 2003 hörr he to de Fakultät vun de University of California, San Diego (UCSD).

Engle is siet 2000 Perfesser för dat Management vun Finanzdeenstleistungen an de New York University. An' 8. Oktober 2003 wurr hüm de Nobelpries för Wertschapswetenschapen tospraaken. Ehrt wurr he för sien Verdeensten hensichtlich de Entwicklung vun Methoden to de Analyse vun ökonomisch Tietreegen mit tietlich variabler Volatilität (kiek ok ARCH-Modell).

To sien wiederen wetenschaplich Opdeckungen hörrt en Hypothesentest up dat Vörliggen vun ARCH-Effekten in en Tietreeg.

Den Nobelpries 2003 deel he sük mit Clive William John Granger vun de University of California, San Diego (UCSD), de den Pries för Methoden to de Analyse vun ökonomisch Tietreegen mit gemeensam verännerlichen Trends (Kointegratschoon) kreegen hett.

Engle wurr as Financial Engineer of the Year 2011 uttekent. 2015 kreeg he de Oskar-Morgenstern-Medaille vun de Universität Wien.

He is siet 1969 mit Marianne Eger verheiraadt und hett mit hör twee Kinner. To sien Hobbies tellt Ieskunstloopen.

Weblenken

Robert Fry Engle. Mehr Biller, Videos oder Audiodateien to’t Thema gifft dat bi Wikimedia Commons.

• DNB-Katalog
• Websteed vun Engle an de New York University
• http://www.nobelprize.org/nobel_prizes/economic-sciences/laureates/2003/ Robert Fry Engle up de Sieden vun den Nobelpries (engelsch)]