Hauptmenü öffnen

Robert Howard Grubbs (* 27. Februar 1942 in Calvert City, Kentucky) is en US-amerikaansch Chemiker un Nobelpriesdräger. Grubbs is Perfesser an dat California Institute of Technology.

Robert Grubbs (2009)

LevenÄnnern

Grubbs hett an de University of Florida in Gainesville studeert un dor 1963 sien Bachelor of Science maakt. Twee Johr later kreeg he sien Master-Afsluss un 1968 an de Columbia University in New York bi Ronald Breslow sien Doktertitel.

Nah sien Studium gung he för een Johr an de Stanford University un ansluutend an de Michigan State University in East Lansing. He weer tonächst Assistenzperfesser un bleev dor bit 1978. Sietdem is he Perfesser för Chemie an dat California Institute of Technology in Pasadena. Siet 1990 hett he den Victor-un-Elizabeth-Atkins-Lehrstohl inne.

WarkÄnnern

Grubbs forscht vör allen up dat Rebeet vun de Organometallchemie un synthetischen Chemie, in' Speziellen över Katalysatoren. He hett 1992 en Katalysator för de Olefinmetathees to de Polymerisatschoon vun zyklischen Köhlenwaterstoffen entwickelt. Disse so nömmt Grubbs-Katalysator stellt en Verbeterung vun den vun Richard Royce Schrock twee Johr tovör entwickelten Katalysator dor, sodat dat nu mögelk weer, de Olefinmetathese ok ahn perfekte Laborbedingungen dörtoführen. Wiederhen hett he up dat Rebeet vun de Ringöffnungsmetathese-Polymerisatschonen forscht. Mit sien Namen is ok en Apparatur verbunnen, de dat mögelk maakt, de för disse Ünnersöken notwennigen suerstoff- un waterfree Lösungsmittel ahn de sonst begäng Destillatschoon un hoochreaktiv Tosätze as to'n Bispeel Alkalimetalle hertostellen.

1995 wurr Grubbs mit den ACS Award in Polymer Chemistry uttekent. 2005 kreeg he för „de Entwicklung vun de Metatheesemethood för organische Synthesen“ tosommen mit Yves Chauvin un Richard Royce Schrock den Nobelpries för Chemie. 2013 kreeg he de Ehrendokterwürde vun de RWTH Aken.[1]

PersönlichesÄnnern

Grubbs ist verheiraadt und hett dree Kinner.

BökerÄnnern

WeblenkenÄnnern

Enkeld NahwiesenÄnnern