Robert James Shiller
Robert James Shiller (* 29. März 1946 in Detroit) is en US-amerikaansch Wertschapswetenschapler un Perfesser för Wertschapswetenschapen an de Yale University. 2013 wurr he mit den Nobelpries för Wertschapswetenschapen uttekent.
Arbeit
ännernRobert J. Shiller hett den Stanley B. Resor-Lehrstohl för Wertschapswetenschapen inne un is Fellow an dat internatschonalen Zentrum för Finanzwetenschapen vun de Yale University. Sien Doktertitel kreeg he 1972 aan dat Massachusetts Institute of Technology. Siet 1980 is Robert Shiller assozieert Liddmaat vun dat National Bureau of Economic Research.
In de 1980er Johren entwickel Robert J. Shiller gemeensam mit Karl E. Case un Allan Neil Weiss den Case-Shiller-Index, de de Entwicklung vun den US-amerikaanschen Immobilienmarkt wedderspeegelt. De vun Standard & Poor’s verdreeven Case-Shiller Home Price Index is de führende Immobilienindex in den USA.
1996 wurr sien Book Macro Markets: Creating Institutions for Managing Societys Largest Economic Risks mit den Paul A. Samuelson Award uttekent
Sien in dat Johr 2000 up den Hööchpunkt vun de New-Economy-Euphorie rutbrocht Book „Irrationaler Überschwang“ (irrational exuberance) wurr to'n Bestseller, de dorin upstellt Thesen stellen sück kört nahderhen as wohr in de Baisse vun de Johren bit 2003 herut: Ok vör de 2007 platzt Immobilienblaas in den USA hett he to en fröh Tiet wohrschoot.
Shiller vertrett en keynesiaanschen Ansatz, aber nich in de siet John Richard Hicks (1937) vun all Annahmen över de Unvernunft vun dat Verhollen vun de ökonoomschen Akteure reinigte Form. He hett versöcht, irratschonale Överdrieven, Formen vun Lemmingverhollen, aber ok de Speeldriev vun de Akteure in de Analyse mit intobetrecken un is dormit Mitbegrünner vun de Behavioral Finance.
2009 hett dat CFS (Center for Financial Studies) Shiller den mit 50.000 Dollar doteerten Deutsche Bank Prize in Financial Economics verleeht. Dorto schreev dat CFS:
Zitat: Mit seinen innovativen Arbeiten zur Erforschung der Dynamik von Assetpreisen hat Robert Shiller Pionierarbeit im Bereich der Finanzökonomie geleistet. Seine Erkenntnisse zur Volatilität von Aktienpreisen, zur Entstehung von Kursblasen und daraus resultierenden Krisen, sowie zur Verteilung makroökonomischer Risiken sind nicht nur von hoher wissenschaftlicher Bedeutung sondern auch wegweisend für die Praxis, hett de Jury-Vörsitter un Direkter vun dat Center for Financial Studies (CFS) Perfesser Jan Pieter Krahnen seggt.
2013 kreegen Shiller, Eugene Francis Fama un Lars Peter Hansen den Nobelpries för Wertschapswetenschapen „för hör empirisch Analyse vun Kapitalmarktpriesen“.
Schriften (Utwahl)
ännern- Irrationaler Überschwang, Warum eine lange Baisse an der Börse unvermeidlich ist (März 2000)
- Die neue Finanzordnung (August 2003)
- The Subprime Solution (August 2008)
- Animal Spirits, 2009 (gemeensam mit George Arthur Akerlof)
- Finance and the Good Society, Princeton University Press, Princeton and Oxford 2012[1]
- düütsch: Märkte für Menschen. So schaffen wir ein besseres Finanzsystem. Campus Verlag, Frankfort an'n Main/New York City 2012, ISBN 978-3-593-39726-9.
Literatur
ännern- Who’s Who in America. 66. Ausgabe, Band 2: M–Z. Marquis Who’s Who, Berkeley Heights 2011, ISBN 978-0-8379-7032-5 (Band 2), ISBN 978-0-8379-7035-6 (Gesamtwark), S. 4086
Weblenken
ännern
Robert James Shiller. Mehr Biller, Videos oder Audiodateien to’t Thema gifft dat bi Wikimedia Commons.
- DNB-Katalog
- Robert J. Shiller in de Notable Names Database (engelsch)
- Websteed vun Robert James Shiller
- Biografie auf der Seite der Yale University
- The Closing: Robert Shiller (Interview). In: The Real Deal. New York City Real Estate News. 1. November 2007