Roger Decock (* 20. April 1927 in Izegem; † 31. Mai 2020 in Aarsele[1]) weer en belgisch Radrennfohrer.

Roger Decock weer mit en kört Ünnerbreeken Profi-Radrennfohrer van 1946 bit 1961. Sien gröttsten Erfolge weern de Siege bi Paris–Nizza 1951 as ok bi de Flannern-Rundfohrt 1952. Todem wunn he 1949 den GP Briek Schotte, 1951 de Meesterschap vun Flannern as ok 1957 den Nationale Sluitingsprijs. Tweemal – 1951 un 1952 – is he bi de Tour de France fohren, 1951 keem he up Platz 17 un 1952 belegg he Platz 38. Todem wunn Decock tallriek lüttgere Rennen in sien Heimatland.

2002, 50 Johr nah sien Sieg bi de Flannern-Rundfahrt, wurr Decock to'n Anlaat vun de Dörfohrt dör sien Wahnoort Aarsele besünners fiert, ok mit en Theaterstück mit den Titel Cockske wint een brokske. 2011 keem sien Biografie Roger Decock – Sluw en Slim herut, schreeven vun sien Weggefährten Guido Van Cauwenberghe un sien Enkelin Veronique Coene, de ok as Radrennfohrerin aktiv weer.

Weblenken ännern

Enkeld Nahwiesen ännern

  1. Roger Decock, de oudste winnaar van de Ronde, is overleden. In: sporza.be. 31. Mai 2020, afropen an’n 31. Mai 2020 (nedderlandsch).