Roxann Dawson

Roxann Dawson (ok Roxann Biggs-Dawson; * 11. September 1958 in Los Angeles, Kalifornien) is en US-amerikaansche Schauspelerin un Speelbaassche.

Roxann Dawson (2003)

Leven un Wark

Roxann Dawson is as Roxann Caballero boren worrn. Se weer mit den US-amerikaanschen Schauspeler Casey Biggs verheiraat un weer dorüm vun 1988 bit 1994 in de Filmcredits as Roxann Biggs opföhrt. In tweete Eh hett se den Casting-Direkter Eric Dawson heiraat, mit den se twee Döchter hett: De een weer 1998 boren, de annere is en Adoptivkind, dat 1999 boren worrn is.

Dawson hett Theaterwetenschoppen an de University of California, Berkeley studeert. Dorna hett se in New York City an verschedene Theaters in vele Rullen speelt.

Bekannt worrn is se vör allen dör ehr Rull B’Elanna Torres, de se in de Science-Fiction-Reeg Star Trek: Voyager speelt hett. Na’t Enn vun de Feernsehreeg hett se vör allen as Speelbaas arbeit, ünner annern för Regen as Charmed, Crossing Jordan, Cold Case oder Star Trek: Enterprise.

Dawson ünnerstütt de Half the Sky Foundation, en Stiftung, de sik üm Weetkinner in China sorgen deit. To’n Bispeel hett se ehr Mask vun de B’Elanna Torres veraukschoneert un dat Geld spennt.

Filmografie (Utwahl)

Johr	Titel	Funkschoon	Synchroonsnacker
1985	A Chorus Line	Schauspeler
1988	Broken Angel, Feernsehn dt.: Broken Angel – Gefallene Engel	Schauspeler
1989	Nightingales, Feernsehreeg dt.: Schwestern	Schauspeler	Katharina Gräfe
1991	N.Y.P.D. Mounted, Feernsehn dt.: Tigerjagd in Manhattan	Schauspeler
1992	Dirty Work, Feernsehn dt.: Ein dreckiges Spiel	Schauspeler
1992	Mortal Sins, Feernsehn dt.: Todsünden	Schauspeler
1994	Pointman, Feernsehn dt.: Unschuldig hinter Gittern	Schauspeler	Sabine Jaeger
1994	Greyhounds, Feernsehn dt.: Greyhounds – Schnüffler gehen nie in Rente	Schauspeler	Katharina Koschny
1997	The Heartbreak Cafe, Feernsehreeg	Speelbaas	—
1995-2001	Star Trek: Voyager, Feernsehreeg dt.: Star Trek: Raumschiff Voyager	Schauspeler ok Speelbaas	Arianne Borbach
2001-2004	Star Trek: Enterprise, Feernsehreeg	Speelbaas	—
2004	Jesus the Driver	Schauspeler
2004-2007	Crossing Jordan, Feernsehreeg dt.: Crossing Jordan – Pathologin mit Profil	Speelbaas Produzent	—
2005-2009	Cold Case, Feernsehreeg dt.: Cold Case – Kein Opfer ist je vergessen	Speelbaas Produzent	—
2008-2011	The Closer, Feernsehfolgen	Speelbaas	—
2010-2012	The Mentalist, Feernsehfolgen	Speelbaas	—
2013-2015	Marvel’s Agents of S.H.I.E.L.D., Feernsehfolgen	Speelbaas	—
2016	Mercy Street, Feernsehfolgen	Speelbaas	—

Utteken

Dawson hett bit hüüt keen Filmpriesen wunnen, weer aver fiefmol nomineert.

Weblinks

Roxann Dawson. Mehr Biller, Videos oder Audiodateien to’t Thema gifft dat bi Wikimedia Commons.

• Roxann Dawson in de Internet Movie Database (engelsch)
• Offizielle Websteed