Rubble Pile (engelsch för Schutthopen) is in de Planetologie en informelle Beteken för en Asteroid, de ut tallrieke lüttere Schören un Brocken bestaht un de blots dör de Gravitatschoon rööd tosamen hollen warrt.

Wohrscheinlich meetk de Rubble Piles en groten Andeel ünner de Asteroiden ut, man en Nawies gifft dat dorför noch nich. Wenn dat stimmt, harr dat en Utwirken op de Möglichkeiten Asteroiden vun jemehrn Bahn aftolenken, de op Kollionskurs mit de Eer sünd. Butendem de sik dat ok düchtig op de Oort un Wies vun so en möögliche Kollision utwirken, vunwegen dat en röden Schutthopen to en gröttere Tall vun Explosionen in de Eerdatmosphäär föhren de. Anners as en monolithischen Asteroid, de de Atmosphäär dörslahn de un dorna op de Böverflach oder in’n Ozean explodeert.

Egenschoppen ännern

En Rubble Pile wiest twüschen de enkelten Brocken Hollrüüm op, un schüll dorüm en sietere Dicht opwiesen as faste Objekten. Dat gifft an grote Tall vun Atseroiden, de en lüttere Dicht hebbt as Meteoriten, de sülst as Schören vun Asteroiden gellt un tomeist Dichten twüschen 3 und 5 g/cm³ opwiest. Vun dorher is antonehmen, dat disse Asteroiden Rubble Piles sünd. Dorto höört to’n Bispeel (45) Eugenia (1,12 g/cm³) un (253) Mathilde (1,3 g/cm³). Jemehr Dicht is blots ’n lütt beten grötter as de vun Water (1 g/cm³).

Ünner de lütten Maanden gifft dat ok welke mit Dichten lütter as de vun Water, so as de Saturnmaanden Pandora (0,49 g/cm³) un Helene (0,5 g/cm³). Op de annern Siet gifft dat Asteroiden mit hoge Dichten, de gegen Hollrüüm snackt. So is dat to’n Bispeel bi (4) Vesta (3,7 g/cm³) oder (2) Pallas (3,28 g/cm³), de dorüm keen Rubble Piles wesen künnt.

Literatur ännern

  • Alan W. Harris: The Rotation Rates of Very Small Asteroids: Evidence for 'Rubble Pile' Structure. In: Lunar and Planetary Science. 27/1996. S. 493, ISSN: 0197-274X (bibcode: 1996LPI....27..493H)
  • Günther Glatzel: Titan und Phobos: Innen körnig. Dat Utnütten vun’t Radar-Dopplerschuven to’n Bestimmen vun’n binneren Opbo vun „Rubble Piles” an’t Bispeel vun den Saturnmaand Titan un den Marsmaand Phobos. Online-Artikel bi Raumfahrer.net, afropen an’n 27. Dezember 2013
  • Deller, Jakob (2015) Hyper-Velocity Impacts on Rubble Pile Asteroids. PhD thesis, University of Kent, International Max Planck Research School for Solar System Science. Online op kent.ac.uk (PDF)