Ruby Braff
Reuben „Ruby“ Braff (* 16. März 1927 in Boston, Massachusetts; † 9. Februar 2003 in Chatham, Massachusetts) weer en US-amerikaansch Kornettist vun den Swingjazz.
Braff speel af de 1940er Johren in de Gegend vun Boston un is af 1947 in New Yorker Clubs uptreden. 1949 speel he mit de Band vun den Klarinettisten Edmond Hall in dat Savoy Cafe in Boston, wo he ok mit Pee Wee Russell spel. 1953 truxk he weer nah New York City, wo he 1953/54 mit dat Vic Dickenson Septett speel. Braff, de en temelk eenzigoordigen Weg folg un „Vintage Jazz“ ut de 1920er un 1930er Johren in Upfolg vun Louis Armstrong un Bix Beiderbecke speel (he hett dat schlicht Adoration of the melody nömmt), weer in de Folg bannig anseggt. In de 1950er Johren weer he wegen de Buugsamkeit un Warmd vun sien ok technisch en Vörbild (sien oorsprünglich Wunsch-Instrument weer dat Saxophon). He speel mit Benny Goodman, Woody Herman, Buck Clayton, Bud Freeman, Ellis Larkins un annern, harr aber Enn‘ vun 1950er Johre Lasten, Engagements to finnen. Sien Jöögdfrüend George Wein keem hüm to Hülp, de hüm in sien Storyville Club in Boston regelmatig Engagements verschafft un hüm in de 1960er und 1970er Johren to de Newport All Stars haalt hett. In de 1970er Johren hett he en klaveerloos Quartett mit de Gitarristen George Barnes bild, domols bannig spoodriek un de eenzig Tosommenarbeit, de bi hüm över een Johr düer, bit ok de 1975 in‘ Striet ennen dee (he weer för sien faken schroff, verletzend Verhollen berüchtigt). 1971-1973 hett he mit den Singer Tony Bennett arbeit. He speel ok völ mit den Pianisten Dick Hyman (Album America the beautiful up Arbors Records). He nehm 1991/1992 för Concord Ruby Braff and his New England songhounds 1,2 up, un mit den Saxophonisten Scott Hamilton Bravura eloquence 1990, With an extra bit of luck 1989, Younger than Swingtime 1990 (letztere beid mit Dick Hyman), opletzt 1996 Inside & Out mit Roger Kellaway.
Diskographisch Henwiesen ännern
- The Complete Duets (Definitive, 1955) mit Ellis Larkins
- Calling Berlin: Volume 1 (Arbors Records, 1994) mit Bucky Pizzarelli, Ellis Larkins
- Inside Out (Concord, 1995) mit Roger Kellaway
- Braff Plays Wimbledon: First Set (Zephyr, 1996) mit Warren Vaché, Brian Lemon, Howard Alden, Allan Ganley