Södermöhl (Petersdörp)

De Södermöhl in Petersdörp is een vun de oldest Möhlen op Fehmarn. Düsse Saken sünd öwer de Möhl bekannt:

• 1438: Reparatur vun de Södermöhl op Veranlassung vun de Amtmann ut Slott Glambeck.
• 1631: De Möhl brennt af. Op Befehl vun den Bischop boot Möller Joachim Barges de Möhl mit Material vun een afbraken Möhl ut Grömitz wedder op, mit verstärkte Flögel.
• 1648: De Möhl ward in de Landesbeschrievung vun Danckwarth opföhrt.
• 1657: De Möller Heinrich Wulf maakt Murks un lett sin Möhlentwangsgäst to lang teuben.
• 1694: Hertog Christian Albrecht köfft de Möhl de Landschap Fehmarn af.
• 1697: Pächter is Anton Dübker, kümmt ut Laaland.
• 1712: Pächter is Claus Hohors, Schipper ut Hilgenhaben.
• 1794: Pächter Jürgen Flettmann kriggt sick mit een Möllergesell in de Wull. De Gesell hett böös wat afkregen.
• 1830: Pächter is Nikolaus Hammer.
• 1833: Möhlenhuus ward nie boot.
• 1837: Pächter is Johann Wick. Sin Curator stellt de Möhl in Twischenpacht.
• 1845: De Möhl brennt af. De, de ehr ansteken hett, ward söcht. 100 Rthl. Belohnung gifft dat dorför.
• 1846: De Möhl ward as Holländer-Möhl wedder opboot. Erbpächter ward Möller Johann Resthöft un sin Kinner.
• 1893: De Möhl brennt al wedder. De niege Holländer-Möhl ward vun August Gäfke boot.
• 1900: Möller is Karl Gäfke.
• 1948: Möller is Franz Glatzik.
• 1950: De Möhl ward stillleggt.
• 1953: Pächter Hans Conrad stellt op elektrische Möhl üm.
• 1958: De Möhl ward as Loger brukt.
• 1971: Peter Rickert köfft de Möhl un boot ehr to een Möhlenrestaurant üm.
• 1978: Pächter is Helmut Mayer.

De Södermöhl