Sönke Sönksen
Sönke Sönksen (* 2. März 1938 in Meldörp) is en ehmalger düütsch Springrieder.
Werdegang ännern
Sönksen wurr as Söhn vun en Buernfamilie ut dat dithmarscher Meldörp boren. In dem Bedriev vun sien Öllern weern Peer vörhannen, up de he dat Rieden lehrt hett, Nah dat Daaggeschäft bleev Rieden as Freetietvergnögen, later kreeg Sönksen de Mögelkkeit, regelmatig to traineeren. Sien Trainer dorbi weer 12 Johren lang Otto Hinrichs.
1966 is Sönksen in den Stall vun den Fleeschworen-Fabrikanten un Rietststallinhebber Werner Stockmeyer wesselt, wiel de en Berieder söken dee. 1965 harr de Vader vun Sönke all dat Peerd Odysseus an Stockmeyer verköfft, dat nah den Stallwessel weer in den Beritt vun Sönke Sönksen keem. Mit dissen wunn he 1967 den Grooten Pries vun Neemünster. Bit to den Dood vun Werner Stockmeyer verbleev Sönksen in de sien Stall in Versmold, wo he ok hüüd noch leevt.[1][2][3]
In de 1970er-Johren tell he to de spoodriekst Springrieder vun Düütschland,[4] in dit Johrteihnt reck he ok sien groot Championatserfolge: Bi de düütsch Meesterschapen 1975 reck he mit Kwept den tweeten Platz (achter Alwin Schockemöhle mit Warwick Rex).[5] In dat sülvig Johr drüff he för Düütschland bi de Europameesterschapen in München mit Kwept (ut den Stall Stockmeyer) starten: Mit de Mannschap wunn he de Goldmedaille, in de Eenzelwertung dorto noch de Bronzemedaille.[6] Een Johr later nehm he, ebenfalls mit Kwept, an de Olympisch Spelen 1976 deel un wunn mit de Mannschap de Sülvermedaille (gemeensam mit Alwin Schockemöhle, Hans Günter Winkler un Paul Schockemöhle).[7] Sien veert groot Championatserfolg folg 1978 mit Kwept: in dit Johr wurr he düütsch Meester.[8]
Nah den Dood vun Werner Stockmeyer in dat Johr 1979 wurr de sien Stall uplööst. Sönksen wurr ansluutend för 13 Johren vun de Levensmiddelwerken Rau ut Hilter ünnerstütt.[3]
Nah Afsluss vun sien Karriere nehm he 1992 en Trainerposten bi dat DOKR an de Siet vun den dormaligen Bundstrainer vun de Springrieders, Herbert Meyer an un weer bit 2001 rund 50 Mal Equipechef för düütsch Mannschapen bi Natschonenpriesen.[4][9] Ok nah dat Enn vun disse Trainertätigkeit bi dat DOKR is Sönksen as Trainer un Equipechef för düütsche Mannschapen, faken bi de Natschonenpriesen vun Hickstead, Dublin un Spruce Meadows, aktiv. Todem weer Sönke Sönksen siet dat Enn’ vun sien aktiv Sportlerkarriere as Wertungsrichter för Springprüfungen tätig.[10]
Ut de Trainertätigkeit vun Sönke Sönksen sünd mehrere spoodriek Rieder hervörgahn: So hett to’n Bispeel de Düütsche Meestersche vun 2009 (Daamenwertung), Rebecca Golasch, bi Sönksen in’ Stall arbeit.[11] Sönksen sien spoodriekst Schöler is de jetzige düütsche Disziplintrainer Springrieden, Heinrich-Hermann Engemann.[12]
Weblenken ännern
Enkeld Nahwiesen ännern
- ↑ VR Classics 2010 - Vorschau: Notizen aus der Vergangenheit…, Uttoog ut Pferd+Sport 02/10, Siet 12 (pdf-Dokument; 1,5 MB)
- ↑ Turnierreiten / Preise: Klötze und Kommerz, Der Spiegel, 7. Juli 1969
- ↑ a b Pferdemann von Kopf bis Fuß, Haller Kreisblatt, 4. September 2010
- ↑ a b Sönke Sönksen wurde 70, Pressemitdeelen vun de Deutsche Reiterliche Vereinigung, 8. März 2008, afropen up reitwelten.de
- ↑ Jasper Nissen: Großes Reiter- und Pferdelexikon, Bertelsmann Lexikon Verlag, 1977, ISBN 3-570-04580-3, Siet 462
- ↑ Die goldenen siebziger Jahre: Boom im Reitsport, sportliche Erfolge überall, Werner Popken (pferdezeitung.com)
- ↑ Medaillenträger Olympische Spiele von 1912-2004, Deutsche Reiterliche Vereinigung
- ↑ 16.-17. Februar 2001: Springtraining mit Soenke Soenksen, hippoline.lu
- ↑ Link up: Besuch beim Olympia-Helden, CJD-Hauptschüler treffen den früheren Reiter Sönke Sönksen, Haller Kreisblatt, 24. März 2006
- ↑ UNI BENE - Offizielles Programmheft zum 50. Maimarkt-Turnier 2013, Siet 137: Reise mit Lolita
- ↑ DM Springen Reiterinnen: Erster Meistertitel für Rebecca Golasch, horsemode.com, 14. Juni 2009
- ↑ Porträt: Trainer Heinrich-Hermann Engemann