Sandkroog (Landkreis Stood)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21717 | |
| Vörwahl: | 04149 | |
| Geograafsche Laag: | Koordinaten:53° 31′ N, 9° 29′ O53° 31′ N, 9° 29′ O | |
|
| ||
Sandkroog (hoochdüütsch Sandkrug) is en lütten Oort in de Gemeen Deinst (Samtgemeen Harsfeld) in’n Landkreis Stood, Neddersassen. De Oort hett polietsch al von öllers her to Helmst tohöört.
Geografie
ännernIn’n Oosten von’n Oort liggt de Rüstjer Forst.
De Naveröörd sünd Helmst in’n Noorden, Rüstje in’n Noordoosten, Hornborg in’n Oosten, Daudieck un Issendörp in’n Süüdoosten, Lusthoop, Frankenmoor un Lünenspecken in’n Süüdwesten un Freenbeek un Deinst in’n Noordwesten.
Historie
ännernSandkroog is 1814 as Weertshuus an de nee anleggte Landstraat twüschen Stood un Harsfeld (wat vondaag de Landsstraat 124 is) boot worrn.[1] De Kroog hett dormit den Heidkroog an’n olen Karkweg na Bargst Kunkurrenz maakt. Eerst later sünd dor noch mehr Hüüs tokamen.
De Oort hett vör 1885 to de Böörd Bargst von dat Amt Harsfeld tohöört. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.
Inwahnertall
ännern| Johr | Inwahners |
|---|---|
| 1. Dezember 1871[2] | 5 Lüüd, 1 Huus |
| 1. Dezember 1885[3] | 4 Lüüd, 1 Huus |
| 1. Dezember 1905[4] | 11 Lüüd, 2 Hüüs |
Religion
ännernSandkroog is evangeelsch-luthersch präägt un hett bet 1959 to dat Kaspel von de Primus-Kark in Bargst höört. Nu höört dat to de Martin-Luther-Kark in Freenbeek.
För de Kathoolschen is de Hillig-Geist-Kark in Stood tostännig.
Weertschop un Infrastruktur
ännernVerkehr
ännernDör Sandkroog löppt de Landsstraat 124, de in’n Noorden na Stood geiht un in’n Süden na Harsfeld. Von de L 124 geiht na Westen en Straat över Lünenspecken na Wehl af un in’n Noordoosten na Helmst.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so teihn Kilometer in’n Noordoosten von Sandkroog.
De nächste Bahnhoff is so bi söven Kilometer wied weg in’n Süden in Harsfeld an de Bahnlien Buxthu–Bremerhoben.
Footnoten
ännern- ↑ Stader Jahrbuch 1964. 1964, Sied 127
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 140
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 151
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 160