Santiago (Cortés)

Santiago is en Oort (Aldea) in dat Municipio Pimienta, Departamento Cortés, Honduras.

Geografie

De Oort liggt in de Neegd von’n Río Ulúa in dat Sula-Daal. Op dat annere Över liggt dat Departamento Yoro. Dat Land an’n Stroom is sied, man in’n Westen von’n Oort stiggt en lüttjen Bargrügg mit Bargen twüschen 100 un 283 Meter (in’n Cerro Zopilocoy) över de See op. Dree Kilometer in’n Süden von’n Oort münnt de Río Comayagua in’n Río Ulúa.

De Öörd ümto sünd El Plan un San Manuel in’n Noorden, El Bálsamo in’n Oosten, Agua Blanca Sur in’n Süüdoosten, Potrerillos in’n süüdwesten, Pimienta in’n Westen un Villanueva in’n Noordwesten.

Historie

In’n Süüdwesten liggt de 243 m över de See hoge Cerro Palenque. Dat is ok gliektiedig de Naam von en archäoloogsche Fundsteed an’n Foot von düssen lüttjen Barg an’n Río Ulúa. De Fundsteed besteiht ut de Resten von en präkolumbischen Oort, de in de Tied von 850 bet 1100 bestahn hett. Wat för en Volk dor leevt hett, dat is nich kloor.

Religion

Dat gifft in’n Oort en röömsch-kathoolsche Kark.

Weertschop un Infrastruktur

Langs’n Río Ulúa warrt op Plantaaschen Bananen anboot.

Verkehr

Na Süden un Oosten hen warrt de Verkehr dör’n Río Ulúa afsperrt. De eenzigen Straten ut’n Oort rut gaht dorüm na Pimienta in’n Westen un San Manuel in’n Noorden. In Pimienta is de Straat anslaten an de CA-5, de in’n Noorden na San Pedro Sula un Puerto Cortés föhrt un in’n Süden na Siguatepeque, Comayagua un Tegucigalpa. In San Manuel is se anslaten an de RN-51.