Sassenspegel

De Sassenspegel is dat opschreven sassische Recht.

Eike van Repgow up en Siede ut den Oldenborger Sassenspegel
(14. Jaorh.)

De Sassenspegel is vun den sassischen Ridder Eike vun Repgow üm dat Johr 1225 opschreven worrn. He hett dor dat Recht opschreven, wat in dat Sassenland güllig ween is un wat bit darhen dör Vertelln wiedergewen worrn is. He hett dat op Middelnedderdüütsch opschreven un dat kreeg denn Gülligkeet in grote Dele vun Europa bit na Polen, Russland un Ungarn hen.

De Wahl van den düütschen Köning. Boaven: de dree geistlicke Försten bi de Wahl, se wiesen up den Köning. Inne Midde: de Palzgrave to Rhine overriekt den güllenen Slötel. Daor achter: de Hertog van Sassen mit den Marschallstaf un de Markgrave van Brannenborg. He brengt as Kamerherr van den Köning en Schötel mit warm Water. Unnen: de neeie Köning sit för de Groten van't Riek (Heidelbarger Sassenspegel, üm 1300)

In Preußen harr de Sassenspegel Gülligkeit bit 1794, as dat Allgemeen Landrecht Gülligkeet kreeg. In Anhalt un Döringen weer de Sassenspegel bit 1900 de Grunnlaag vun Recht un Gesetz.

De Sassenspegel is vun dat Landrecht un dat Lehnsrecht.

• Dat Landrecht is dat Recht vun de fri'en Lü, ok de Buurn. Dat is vun Grunnstückssaken, Arven, de Ehe, Naverschapssaken, Strafsaken un woans dat bi Gericht togeiht. Is also tohoop, wat wi hüüt as Zivilrecht, Strafrecht un Gerichtsverfahrensrecht kennt.
• Dat Lehnsrecht beschrifft, woans dat in dat Lann togeiht, wat de Stänn angeiht. Vun den Keunig över de Försten bit na de Ridders. Dat weer dat, wat hüüt en Verfaat regeln deit.

Hüüt hebbt wi noch Sprickwöör, de vun den Sassenspegel sünd, t.B.

• "De toeerst kümmt, de mahlt toeerst", wat heet, dat de, de toeerst bi een Möhl is, denn ok sien Korn toeerst mahlen kriggt.

Literatur

der sassen speyghel, Sachsenspiegel- Recht - Alltag, Band 1 und 2, Oldenburg 1995, ISBN 3-89598-240-7 / 241-5

Weblenken

Sassenspegel. Mehr Biller, Videos oder Audiodateien to’t Thema gifft dat bi Wikimedia Commons.

• Arbeidsgrupp Nedderdüütsch för Sleswig-Holsteen över den Sassenspegel (plattdüütsch)
• Die Dresdner Bilderhandschrift des Sachsenspiegels (hoochdüütsch)
• De Heidelberger Sassenspegel in’t Nett (hoochdüütsch)