School Risum

De School Risum (däänsch Risum Skole, freesch Risem Schölj) is en Grund- un Hööftschool in Risum in Noordfreesland. De School is dreesprakig, de Ünnerricht löppt op Hoochdüütsch, Däänsch un Freesch. Dat gifft de Klassen 1 bet 9 op de School, de aver op dree Klassen opdeelt sünd. De 1. bet 3. Klass lehrt tohoop, de 4. bet 6. un denn de 7. bet 9. Klass. Alltohoop sünd dat 38 Kinners un söss Schoolmeesters.

De School hebbt se 1946 grünnt. Schull en School wesen, de de sleswigschen Spraken un Sprakenveelfalt stütten schull. De Ünnerricht leep in de eersten Johren in verschedene Spraken, veel ok op Freesch. 1956 hett de Schoolbaas Marie Tångeberg Freesch offiziell as Ünnerrichtsspraak fastleggt. Weer vun dat Schoolgesett so nich vörsehn, dat kenn keen Freesch, man se hebbt vun’t Schoolamt nix seggt, hebbt dat hennahmen. Dat güng so wieder bet 1970. De Tiet harr sik ännert un wenn de Kinner vördem all vun Huus ut Freesch kennen deen, weer dat nu faken so, dat de jungen Lüüd vun Freesch gornix mehr afweten deen. Hoochdüütsch un Däänsch weren nu de Ünnerichtsspraken. Man ok Freesch is bleven un warrt de Kinner lehrt un bitieden ok as Ünnerrichtsspraak bruukt.

Weblenken

• Websteed vun de School Risum (däänsch, freesch, hoochdüütsch)