Schreevagels
Die Schreevagels (Anhimidae) sünd en Familie mank de Gösevagels (Anseriformes). Dor höört dree Aarden mit to. Se sünd all in Süüdamerika tohuse. Ofschoonst se vun dat Utsehn na de Puters slahn doot, hannelt sik dat bi jem um de engsten Verwandten vun de Aantenvagels. En Reeg vun Egenaarden passt ehrder to Höhnervagels, as de höhnerhaftige Snavel, de bloß man lüttjen Swemmhüde mank de Töhn un datt se de Feddern nich all up’n Mol uttuuscht bi’n Ruden. Vundeswegen könnt se jummers flegen. Bovenhen hefft se noch en Nettwarks vun Luftsäck direktemang unner de Huut. Ehren Naam hefft se vunwegen ehr unbannig luut Geschree. In’t Engelsche hefft se dor den Naam „Screamers“ (Schreebüdels) vun weg kregen.
| Schreevagels | ||||||||
|---|---|---|---|---|---|---|---|---|
 | ||||||||
| Systematik | ||||||||
| ||||||||
| Wetenschoplich Naam | ||||||||
| Anhimidae | ||||||||
| Stejneger, 1885 |
Kennteken ännern
De Schreevagels seht ehrder ut, as wenn se to de Höhnervagels tohören döen. Dat liggt nich bloß an dat wat butte Lief, man sunnerlich ok an den lüttjen Kopp mit den korten Snavel. De Vagels sünd twuschen 75 un 95 cm groot un könnt bit hen to 4,5 kg wegen. Ehre Been sünd lang un dick mit grote Fööt un lange Töhn mit man wat lüttje Swemmhüde. So leevt se in flach Waters in’e Masch un in’n Sump. Vunwegen de Luftsäck unner de Huut un Luft, de in de Knaken inslaten is, könnt se up Swemmplanten lopen un gaht nich unner.
Heken un Seken verscheelt sik nich groot, man dat Heken is en lütt beten gröter. De Feddern sünd swatt bit gries-bruun.
Kiek ok bi ännern
Literatur ännern
- Josep del Hoyo et al.: Handbook of the Birds of the World, Band 1 (Ostrich to Ducks). Lynx Edicions, 1992, ISBN 84-87334-10-5
- Janet Kear (Rutg): Ducks, Geese and Swans. Oxford University Press, 2005, ISBN 0-19-854645-9
