Schuffel
Een Schuffel (pl. Schuffeln, ok Schüffel oder Schüpp nöömt) is een Stück Warktüüch, wat to’n Hochbören un Wegsmieten vun losen Kraam wie Eer, Sand, Vehfoder bruukt ward. Fröher mal geef dat de Schuffeln ganz un gor ut Holt. Siet een poor hundert Johr ward se meer un meer ut Iesen, nu ok ut Liechtmetall mookt, blots noch mit’n hölten Steel. De Schuffeln hebbt, jenadem ut welke Gegen see koomt, ünnerscheidlik Namen un ünnerscheidlik Form: se sünd smaal oder breet, eckig oder spitz, graad oder holl utformt.
