Swabern

Wapen/Flagg

Koort

Basisdaten

Bundsland: Neddersassen

Flach:

25,96 km²

Inwahners:

1.506 (2006-12-3131. Dezember 2006)

58 Inwahners pro km²

27252

04 277

Koordinaten:52° 26′ N, 8° 30′ O52° 26′ N, 8° 30′ O

Grenzen bi OSM:

1461196

Öörd in de Gemeen:

1

Börgermeester:

Wilfried Schlichte (CDU)

Websteed:

www.schwafoerden.de

Swabern (up düütsch Schwaförden) is ene Gemeende in den Landkreis Deefholt in Neddersassen.

Laag ännern

Swabern liggt in'n Süden vun den Naturpark Wilshuser Geest, tämlich in de Midden twuschen Bremen un Minden. In de Gemeende sitt ok de Verwalten vun de Samtgemeende Swabern. Dor höört denn noch de Dörper Affinghusen, Ehrenborg, Neenkarken, Scholen un Sudwalde to.

Matig Seeklima regeert hier unner den Indruck vun en fochtigen Noordwest vun de Noordsee her. In'n Dörsnitt is dat in Swabern över dat Johr hen 8,5° - 9,0°C warm un dat gifft bi 700 mm Nedderslag. Twuschen Mai un August kaamt woll bi 20-25 Sommerdaag (Dat sünd Dage mit mehr as 25°C) tohopen.

Historie ännern

Al in de jüngere Steentiet hett dat Minschen in Swabern geven. In de Römertiet hett dat nöördlich vun Swabern en Römerpadd geven, de vun de Werser bit na Freesland güng. Swabern süms is en Wohnsteed, as dat bi de Sassen begäng weer: As Parlen an'e Snoor staht de verstreihten Hööv langs de Straat. Üm 750 lä Swabern midden in dat Land vun den Stamm vun de Sassen. De ehr Ünnerstamm, de Engern harr sik dor Wohnsteden boot. Dat eerste Mol in de Geschicht is Swabern in dat Johr 1025 nömmt wurrn. Dormols stünn de Naam in en Urkunn vun den Greven Mito vun Minden an de Herren to Hoya.

Bi den Dartigjöhrigen Krieg sünd de groten Hölter mit Böken un Eken ründ üm Swabern to afbrennt. Tovören weern de bruukt för dat Masten vun Swiene. Na den krieg hefft se denn dor Nadelbööm anplant, de fixer wassen döen. Man in de eerste Hälft vun dat 19. Johrhunnert hefft se so veel Holt verbruukt, dor sünd de Hölter al wedder afneiht wurrn.

Gloven ännern

1525 is Swabern al evangeelsch-luthersch wurrn. Vun 1575 af an is dat Dörp mit Scholen tohopenfaat to ene Karkengemeen, wobi man beide Dörper eene Kark hebbt. De Kark in Swabern is en gootsch Bowark mit en Schipp un en Gewölv. Twuschen 1200 un 1500 is dor an boot wurrn. En Deel vun de Apsis un en Rundbagen an'n Toorn sünd al ut de Tiet vun de Romanik. Binnenin gifft dat allerhand Maleree to sehn. De is vun Wannermönke in dat 15. Johrhunnert utmaalt wurrn. Later sünd de överpöönt wurrn un eerst in dat 19. Johrhunnert hefft se jem wedder freeleggt.

Inwahners ännern

To'n eersten Mol warrt in dat Johr 1583 wat över Swabern siene Inwahners schreven. In en Stüerlist steiht dor, dat dat üm un bi föfftein Hööv gifft un bi 80 Inwahners. Na den Tweeten Weltkrieg geev dat mit en Slag en groten Bulten Inwahners dorto un hüdigendags sünd dat bi 1.500 Lüde.

Kiek ok bi ännern

Projekt to'n Sammeln vun plattdüütsche Oortsnaams in de Landkreise Deefholt, Nienborg/Werser un Veern

Weblenken ännern

Websteed vun de Samtgemeende

Städer un Gemenen in den Landkreis Deefholt