Semliki
De Semliki (na de öllere Schrievwies ok Semuliki) is en 230 km langen Stroom in Oostafrika. He billt den eenzigen Afloop vun’n Eduardsee un münnt in’n Albertsee.
| Semliki | |
|---|---|
| Laag | DR Kongo, Uganda |
| Stroomsystem | Nil |
| Läng | 230 km |
| Born | Eduardsee |
| Münn | in’n Albertsee |
 | |
De Semliki fangt in de Demokraatsche Republiek Kongo an, woneem he ut’n Eduardsee afgeiht un na’n Noorden hen flütt. Dorbi billt he över en längere Streck de Grenz na Uganda. Op dissen Afsnitt verlöppt de Semliki in’n Oosten vun un parallel to den Zentralafrikaanschen Drempel binnen den westlichen Twieg vun’t Oostafrikaansche Gravensystem. In dissen Westtwieg vun den Graven gifft dat en Reeg vun Seen, wovun de Semliki twee mit’nanner verbinnen deit.
Na den Stroom is ok de Semliki-Natschonalpark nöömt. In un in de Neeg vun’n Semliki leevt Krokodilen, Elefanten un Antilopen. An sien Münnen billt de Stroom en lütt Delta, in den de Ambatch – en gau wassen Boom mit Döörn – un Echten Papyrus wasst.