Demokraatsche Republiek Kongo

Disse Artikel is man blots en Stubben. Du kannst Wikipedia helpen un em verbetern.
République Démocratique du Congo
Flagg vun de Demokraatsche Republiek Kongo Wapen vun de Demokraatsche Republiek Kongo
(Flagg) (Wapen)
Wahlspröök: « Paix, Justice, Travail »
Franzöös'sch för „Freden, Gerechtigkeit, Arbeit“
Natschonalhymne: Debout Congolais
Woneem liggt de Demokraatsche Republiek Kongo
Hööftstadt Kinshasa
{{{BGR}}}° {{{BMIN}}}′ {{{NS}}}, {{{LGR}}}° {{{LMIN}}}′
Gröttste Stadt Kinshasa
Amtsspraak Franzöös'sche Sprake
man ok Kikongo, Lingala, Suaheli un Tschiluba as Natschonalspraken.
Regeren
Präsident
Premierminister
Präsidiaalrepubliek
Félix Tshisekedi
Jean-Michel Sama Lukonde
Sülvstännigkeit

30. Juni 1960 vun Belgien

Grött
 • Allens
 • Water (%)
 
2.345.410 km²
? %
Inwahnertall
 • 2008 afschätzt
 • Inwahnerdicht
 
66.514.506 (Stand Juli 2008, CIA-Factbook)
24/km²
Geldsoort 1 Kongo-Franc = 100 Centimes ([[ISO 4217|]])
BBP 10.144 Mio. US$ (116.) $ (2008)

166 US$ (178.) $ je Kopp

Tietzoon UTC+1 (UTC+1)
Internet-TLD .cd
ISO 3166 CD
Vörwahl ++243

De Demokraatsche Republiek Kongo (Uutsprake [ˈkɔŋgo], franzöösch [kɔ̃ˈgo]), kort ook DR Kongo, is en Land in Afrika, de Hööftstadt is Kinshasa. Bet 1960 hett dat Land to Belgien as de Kolonie Belgisch-Kongo tohöört. Vun 1971 bit 1997 weer de Naam vun dat Land Zaïre. Dat grenzt vun Noord in’n Klockenwiesersinn an de Zentraalafrikaansche Republiek, de Sudan, Uganda, Ruanda, Burundi, Tansania, Sambia, Angola un de Republiek Kongo. DR Kongo is dat drüttgröttste Land in Afrika met 2.345.411 km² un is 6,6 mol groter as Düütschland. In’n Juli 2005 harr de DR Kongo 60.764.490 Inwahners. Na Inwahners berekent, is de DR Kongo dat veertgröttste Land in Afrika. De Demokraatsche Republik Kongo schall nich dör’nanner kregen weern mit de Republik Kongo, dat vörmolige Franzöös’sch-Kongo, wat wieter na Westen to liggen deit.

Geografie ännern

De Demokraatsche Republik Kongo ward to Zentraalafrika torekent un liggt op de Äquater. Bummelig 60 % vun dat Land ward vun de Regenwoold vun dat Kongobecken afdeckt. De höögste Barg is de Margherita Peak (5109 m).

De längste Stroom in’t Land is de Kongo met 4374 km. De Kongolesen nöömt em ok „Stroom de alle anneren Strooms opfritt“.

Inwahners ännern

 
Demografie: Wie dat vun 1961 bit 2003 mit de Inwahners vun de DR Kongo bargup gahn is. (nah de FAO, 2004). Inwahners in Dusenden.

Dat gifft twölf grote Volksgruppen in dat Land. De deelt sik nu wedder in bi 240 lüttjere Gruppen up. De gröttsten Gruppen sünd de Bakongo, de Mongo, de Baluba un de Lunda. Se höört to de Bantu-Völker, de bi 80 % vun de Inwahners utmaken doot. 15 % stammt vun de Sudangruppen af. Se finnt sik sunnerlich in’n Noorden. Minnerheiten sünd de Niloten in’n Noordoosten un de Pygmäen un de Hamiten in’n Oosten. De witten Nakamen vun de Europäers, tomeist Belgiers, hefft bit an dat Enne vun de 1960er Johren meist alltosamen dat Land verlaten. 2005 hett de DR Kongo 60,7 Mio. Inwahners harrt. 2008 sünd dat al 66,5 Mio. ween. In de lesten Johren sünd unbannige Massen vun Flüchtlingen dör dat Land tagen. De Inwahners leevt sunnerlich in de Bargbo-Kuntreien vun Katanga un an den Unnerloop vun den Kongo-Stroom. 30 % vun jem leevt in Städer. In’n Dörsnitt weert de Mannslüde in de DR Kongo bi 49,7 Johre oolt, bi Froenslüde is dat 52,3 Johre.

Spraken ännern

 
Wo de wichtigsten Spraken snackt weert.

De Kongo is en Land, dat linguistisch bannig verscheeden is, överaalns gifft dat mehr as 200 Spraken. De wichtigste Spraak is de Amtsspraak Franzöösch, dat vun de Belgiers in’t Land bröcht wöör. De Kongolesen kiekt Franzöösch as ethnisch neutraal an un bruukt dat vör allens bi’t snacken met Liddmaten vun annere Stammesgruppen. Franzöösch ward man nich vun de Mehrheit vun de Inwahners as Muddertaal snackt. De veer wichtigsten afrikaanschen Spraaken sünd Lingala (verstaht bi 50 % vun de Inwahners), Kikongo (verstaht bi 30 %), Kiswahili ((„Suaheli“, verstaht bi 10 %) un Tschiluba. Se weert as „Natschonalspraken“ ankeken.

Religionen ännern

Dat Königriek Kongo is al an’t Enne vun dat 15. Johrhunnert christlich wurrn. Dor is dat en vun de eersten christlichen Staten in Afrika mit. Vun de fröhen 1970er Johren af an fiert de Röömsch-kathoolsche Kark in de DR Kongo ehre Gottesdensten na en egen, so nömmten Zair’schen Messritus. Dor sünd allerhand afrikaansche Elementen mit in upnahmen. De unafhängige Afrikaanschen Karken vun de Kimbanguisten hett twuschen 5 Mio. un 10 Mio. Anhängers.[1]

Religion Anhängers Prozent
Röömsch-kathoolsche Kark 25.841.930 42 %
Protestantismus 14.682.915 mehr as 30 %
Kimbangismus ca. 3.523.890 mehr as 10 %
Islam --- üm un bi 5 %[2]
Animismus un Naturreligionen (un Synkretismus) --- um un bi 10 %

Weertschop ännern

Ofwoohl dat Land een vun de bodenschattrieksten Länner op de Eer is, is dat ok een vun de poversten Länner. Dat Land is vun Missweertschop un Kriegen to Grund richt worden. Vun 1960 (dat Enn vun de Kolonisatschoon dör Belgien) bit 1985 is de Volksweertschop dörsnittlich blots üm 1 % wossen. Vun 1985 is de Weertschop gor nich mehr wossen.

Belegen ännern

  1. Harenberg Aktuell 2008, Siete 622, Mannheim 2007 un Fischer Weltalmanach 2008, Siete 285, Frankfort/Main 2007
  2. Dat Utwärtige Amt över de Demokraatsche Republiek Kongo

Weblenke ännern

  Demokratische Republik Kongo. Mehr Biller, Videos oder Audiodateien to’t Thema gifft dat bi Wikimedia Commons.
  Wiktionary: Demokraatsche Republiek Kongo – Bedüdensverklaren, Woortherkamen, Synonymen, Översetten