Sergej Nikolajewitsch Rewin

Sergei Nikolajewitsch Rewin (russisch:Сергей Николаевич Ревин; * 12. Januar 1966 in Moskau, Russische SFSR) is en ehmalger russisch Kosmonaut.

Utbillen un Berop

Nah den spoodrieken Afsluss vun de Wiederführen School Nr. 763 in Moskau 1983 studeer Rewin an dat Moskauer Institut für Elektronische Technologie bit 1989 Automatisierung un Elektronik. Van 1989 bit 1993 hett he as Ingenieur in de Forschungs- und Produktschonssellschopp för Meettechnologie (NPO IT) in Koroljow arbeit. In‘ August 1993 wessel he in dat Hööftkonstruktschonsbüro vun den Ruumfohrtkonzern NPO Energija.

Ruumfohrertätigkeit

An‘ 9. Februar 1996 wurr Rewin as Kosmonautenkandidat vun RKK Energija utwählt, de Utbillen fung an‘ 3. Juni 1996 an. De Afsluss vun sien Grundutbillen verzöger sich wegen medizinisch Problemen mit sien Gliekgewichtsorgan um dree Maand bit to’n 17. Juni 1998. Ansluutend hett he in dat ISS-Programm arbeit. Dat Överlevenstraining för en Notlannen mit en Sojuskapsel hett he tosommen mit Charles Simonyi un Oleg Artemjew in‘ Januar 2007 in en Waldstück bi Moskau maakt. De Notwaterung vun de Landekapsel hett he in‘ Juni 2008 in Sewastopol tosommen mit Oleg Nowizki un Jelena Serowa maakt. Dornah hett he för en Langtietupenholt up de ISS traineert, ünner annern weer he Ersatzmann för Anatoli Iwanischin för de sien Floog as Bordingenieur vun de Mission Sojus TMA-22 to de ISS.

Rewin weer all in‘ Oktober 2009 as Bordingenieur för de ISS-Expeditschonen 29 un 30 nomineert,^[1] wurr aber denn dör Iwanischin ersett. Rewin wurr denn an Stäe vun Konstantin Walkow as Bordingenieur vun de ISS-Expeditschonen 31 un 32 nomineert.

De Start to de ISS weer an‘ 15. Mai 2012 tosommen mit Gennadi Padalka un Joseph Acaba mit dat Ruumschipp Sojus TMA-04M. Lannd sünd se weer an’ 17. September 2012.^[2] De Expeditschoon 31 bestunn denn ut disse dree Ruumfohrer un Oleg Dimitrijewitsch Kononenko, André Kuipers un Donald Roy Pettit. As de dree toletzt nömmten weer to de Eer torüchkehrt weern, hemm de dree Ruumfohrer gemeensam mit Sunita Lyn Williams, Juri Iwanowitsch Malentschenko un Akihiko Hoshide ut Japan de Expeditschoon 32 bild. Rewin weer insgesamt 124 Daag, 23 Stünnen un 52 Minüüten in‘ Weltruum.

To’n 28. April 2017 is he ut gesundheitlich Grünnen ut dat Kosmonautenkorps utscheeden.

Privates

Sergei Rewin is verheiraadt un hett en Söhn, de 2000 boren wurr. To sien Hobbys hörrn Lichtathletik, Ballonfohren un Tourismus.

Enkeld Nahwiesen

↑ John Yembrick, Nicole Cloutier-Lemasters, NASA: [1] NASA and its International Partners Assign Space Station Crews van‘ 7. Oktober 2009, afropen an’ 4. Oktober 2011 (engelsch)
↑ NASA: [2] engelsch Expedition 31, afropen an’ 17. September 2012

Weblenken

Sergei Rewin. Mehr Biller, Videos oder Audiodateien to’t Thema gifft dat bi Wikimedia Commons.

spacefacts.de: Körtbiografie
astronaut.ru: Biografie (russisch)

[1] John Yembrick, Nicole Cloutier-Lemasters, NASA: [1] NASA and its International Partners Assign Space Station Crews van‘ 7. Oktober 2009, afropen an’ 4. Oktober 2011 (engelsch)

[2] NASA: [2] engelsch Expedition 31, afropen an’ 17. September 2012

[1]

[2]