Shirley Frances Babashoff (* 31. Januar 1957 in Whittier) is en ehmalge US-amerikaansch Swemmerin.

Shirley Frances Babashoff (2016)

Babashoff is 1957 in Whittier in Kalifornien boren. Jack Babashoff is ehr Broder.

Se wurr bi de Olympisch Sömmerspelen 1972 in München und 1976 in Montreal mit de 4 x 100m Freestilstaffel vun de USA Olympiasiegerin. Up Eenzelstrecken kunn se kien Goldmedaille winnen, dorför aber 4 mal de Sülvermedaille. Mit acht Medaillen hörrt se aber to de spoodriekst Swemmerinnen in de Historie vun de Olympisch Spelen. An hör Tieden kann man ok den Fortschritt in‘ Swemmsport faststellen. Mit hör Tiet, de se in dat olympisch Finale över 400m Freestil harr, harr se 12 Johr vörher de Goldmedaille bi de Mannlüüd wunnen.

Bi Weltmeesterschaften kunn se dorgegen ok up Eenzelstrecken triumpheeren. Se wurr bi de Weltmeesterschapen 1975 över 200m un 400m jeweils Weltmeisterin. Während hör Loopbahn hett se insgesamt 11 Weltrekorde upstellt. 1982 wurr se in de Ruhmeshall vun den internatschonalen Swemmsport upnommen.

Hör Bröer Jack Babashoff weer ebenfalls Swemmer un wunn bi de Olympisch Spelen 1976 de Sülvermedaille över 100 m Freestil.

Weblenken ännern