Signe Tillisch

De Appelsoort Signe Tillisch
De Appelsoort Signe Tillisch

Signe Tillisch is en olt Appelsort, de oorsprünglich ut Jütland stammt. Se entstunn 1860 as Samling in den Gorden vun den Hardesvogt Tillisch in Bjerre dicht bi de oostjüütsch Stadt Horsens. Tillisch hett de Sort nah sien Dochter Signe nömmt. De oorsprünglich Boom wurr in en Kübel hollen un to dat Goot Rosenvold dicht bi Vejle versett un dor utplant. 1866 hett man dorvan Samen trucken un af 1885 verbreedt.

De Schaal vun de Signe Tillisch is geel bit grööngeel (an de Sünnsiet mitünner ok licht orange), de Appel an sück groot un breet un bannig kantig. Dat Fruchtfleesch is saftig, de Smack frisch un aromatisch. De Oorntiet is in de Regel Anfang Oktober, de Appels könnt bit Wiehnachten lagert wurrn. Signe Tillisch is en bannig gooden Tafelappel, lett sück aber ok goot bi’t Backen un to Saftmaken bruken.

De Boom is recht starkwassend, langlevend un kann ok, wen he öller is, noch völ Appels dragen. Ok to en Spalierhollen kann de Boom bruukt wurrn. De Sort hett gern en warmen lehmigen Boden, bruukt aber kien hooch Temperaturen.

Signe Tillisch weer to Anfang vun dat 20. Jorhunnert en van de leevsten Appelsorten in Däänmark un ok in Noorddüütschland verbreedt. Sietdem wurr se aber vun wertschaplich betern Soorten verdrängt un gellt hüüd as gefährdet. Intüschen hebbt völ spezialiseert Boomschoolen in Däänmark un Noorddüütschland de Sort aber weer in’ Anbo.

Kiek okÄnnern

List vun de Appelsorten

LiteraturÄnnern

  • Walter Hartmann, Eckhart Fritz: Farbatlas alte Obstsorten', Ulmer Verlag, Stuttgart 2008, ISBN 978-3-8001-5672-6, S. 158.

WeblenkenÄnnern