Silverius

Silverius (* ? in Frosinone; † 2. Dezember 537 up Ponza), Söhn vun den Paapst Hormisdas, weer van Juni 536 bit to sien Rückträe an' 11. November 537 Bischop vun Rom. He wurr vermootlich as sien Vader in Frosinone in Latium oder en Nahberoort boren.

Silverius (Phantasiedorgestellen).

Sien Pontifikat weer kört un vun vörnrin problematisch. Bi den röömschen Klerus is de Subdiakon up groot Vörbehollen stött. Nah den Dood vun Agapitus I. favoriseer Theodora, de Gaddin vun den byzantienschen Kaiser Justinian I., den to de Tiet in Konstantinopel leven Vigilius as Gegenpaapst, wiel se vun de de Akzeptanz vun den Monophysitismus verwachten dee. Theodahad, de König vun de Ostgoten, dorgegen wull up gor kien Fall en mit Konstantinopel verbünnten Paapst un hett Silverius as Paapst dörsett, bevör Vigilius in Rom indrapen dee.

In dat sülvige Johr noch wurr Rom vun den byzantiensch General Belisar besett un Silverius 537 wegen Hoochverrat nach Patara in de hüüdig Törkie verbannt. An sien Stäe is denn Vigilius treeden. Woll hett Kaiser Justinian Silverius all bald weer de Rückkehr nah Italien tolaaten, aber Vigilius hett hüm up de Insel Ponza in' Golf vun Gaeta verannt (oder nah anner Borns Palmarola), wo he an' 2. Dezember 537 storven is. De 2. Dezember is ok sien Gedenkdag.

Literatur

• Wilhelm Kohl: Silverius. In: Biographisch-Bibliographisches Kirchenlexikon (BBKL). Band 10, Bautz, Herzberg 1995, ISBN 3-88309-062-X, Sp. 336–338.

• Claire Sotinel: Silverio, in: Enciclopedia dei Papi. 2000
• Indrag in de Catholic Encyclopedia, Robert Appleton Company, New York 1913 (engelsch

Weblenken

Silverius. Mehr Biller, Videos oder Audiodateien to’t Thema gifft dat bi Wikimedia Commons.

• Indrag in dat Ökonoomsch Hilligenlexikon

Enkeld Nahwiesen

Vörgänger	Amt	Nafolger
Agapitus I.	Paapst 536 - 537	Vigilius