Simo Halonen
Simo Halonen (* 21. März 1947 in Taipalsaari) is en ehmalger finnisch Biathlet. Neben Heikki Ikola un Juhani Suutarinen is he de spoodriekste Biathlet vun Finnland in de 1970er Johren.
Simo Halonen keem eerst bi dat Militär to'n Biathlonsport un fung dormit ok eerst in dat Öller vun 25 Johren an. He hett tüschen 1974 un 1979 an all Biathlon-Weltmeesterschapen deelnommen, verpass aber de Olympisch Winterspelen 1976 in Innsbruck wegen en Besehren an't Been.
Bi sien eerst Biathlon-Weltmeesterschapen 1974 in Minsk verpass he in' Sprint as Fievtplatzeerter blots knapp en Medaille, de he an de Siet vun Henrik Flöjt, Juhani Suutarinen und Heikki Ikola in dat Staffelrennen mit Sülver achter de Sowjetunion winnen. In' Eenzel keem he up den 14. Platz. 1975 kunn he in Antholz mit de Staffel in de glieker Besetten as in dat Vörjohr sien gröttsten Erfolg recken un wunn mit de Staffel Gold. In' Eenzel keem he up Rang 30. In Vingrom wunn he bi de Biathlon-Weltmeesterschapen 1977 gemeensam mit Erkki Antila, Raimo Seppänen un Heikki Ikola in dat Staffelrennen achter de sowjeetsch Staffel weer en Sülvermedaille, keem in dat Eenzel up den söbenten Platz un up Platz 28 in' Sprint. Eenzig bi de Biathlon-Weltmeesterschapen 1978 in Hochfilzen kunn he kien Medaille winnen un wurr 24. in' Sprint un 7. in' Eenzel. Bi sien letzt Deelnahm an Weltmeesterschapen, den Biathlon-Weltmeesterschapen 1979 in Ruhpolding, wunn he nochmals mit sien Staffelkollegen ut de Sülverstaffel van 1977 achter de DDR de Sülvermedaille. Dormit weer he neben Ikola de eenzige Bestanddeel vun de finnisch Staffel vun de veer Weltmeesterschapen bi de de finnisch Staffeln tüschen 1974 un 1979 Medaillen wunn, de immer Deel vun de Medaillenstaffeln weer. In' Eenzel wurr he 18. In dat Johr 1976 wunn he todem den finnischen Meestertitel in' Eenzel.
Literatur
ännern- Antti O. Arponen, Matti Hannus, Aarne Honkavaara, Kimmo Leinonen, Tarmo Mäki-Kuutti, Voitto Raatikainen, Antero Raevuori: Talviurheilun tähdet. WSOY, 1986. ISBN 951-0-13095-8, S. 398.