Simon Hallenbarter (* 5. März 1979 in Obergesteln; † 3. Oktober 2022 in Öösterriek) weer en Swiezer Biathlet.

Simon Hallenbarter sien Vereen weer SC Obergoms. Biathlon bedreev he siet 2002. Hallenbarter weer in de Saison 2006 de best Swiezer Biathlet. Bi dat Weltcuprennen in Osrblie (Slowakei) reck he den 8. Platz. Dormit harr he sück ok för de Olympisch Spelen 2006 in Turin qualifizeert, wo he aber mit Platz 77 un 67 nich övertüügen kunn. In' Sprint in Ruhpolding 2008 keem he unverwacht up den sössten Platz. Simon Hallenbarter nehm ok an de Olympisch Winterspelen 2010 deel. Sien best Resultat weer Platz 16 in' Sprint. Mit de Staffel keem he up Rang 9.

Simon Hallenbarter weer vun Berop Sanitärinstallateur. Nah sien Sportkarriere steeg he in dat Langloop- un Sportgeschäft vun sien Onkel, den Skilanglöper Koni Hallenbarter, in Obergesteln, Wallis, in. Wiels en Ferienupenholt in Öösterriek hett Hallenbarter mit 43 Johren Suizid begahn. [1] [2]

Weblenken ännern

Enkeld Nahwiesen ännern

  1. Trauer in der Schweiz: Ex-Biathlet stirbt mit 43 Jahren. In: sportnews.bz, 7. Oktober 2022, abgerufen am 7. Oktober 2022.
  2. Philipp Bärtsch: Simon Hallenbarter, dreifacher Olympiateilnehmer im Biathlon, ist tot – er wurde nur 43 Jahre alt. In: Neue Zürcher Zeitung, 6. Oktober 2022, abgerufen am 6. Oktober 2022.