Sinokoreaansch Fründschopsbrügg

De Sinokoreaansche Fründschopsbrügg is en 940,8 m lange Brügg ut Iesen över den Stroom Yalu twischen Dandong in China un Sinuiju in Noordkorea. De Brügg hett Bahnen för Autos un för Iesenbahn.

Blick na de Brügg von de chineesche Sied
De twete Brügg von de Midd von’n Stroom ut keken
Opnahm von en amerikaanschen Bummenangreep

De Brügg is von April 1937 un Mai 1943 von de Japaners boot worrn, de to disse Tied Korea un Mandschukuo ünner harrn.

Bi 100 m den Stroom dal staht noch de Resten von en öllere Brügg, de von Mai 1909 bet Oktober 1911 boot worrn is. Dat weer en Brügg ut Iesenfackwark, de op alltohoop 12 Steenpielers stünn. Alltohoop weer se 944,2 m lang. De Brügg reckt von China ut bet üm un bi na de Midd von’n Stroom, höört denn aver op. De Amerikaners hebbt de beiden Brüggen in’n Koreakrieg von November 1950 bet Februar 1951 tweibummen wullt, dat de Chinesen de Noordkoreaners nich mehr ünnerstütten kunnen. De Chinesen hebbt de Brüggen aver jümmer wedder utbetert. Na’n Krieg is aver bloot de Brügg in’n Noorden wedder opboot worrn.

Weblenken ännern

  Sinokoreaansch Fründschopsbrügg. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:40° 7′ N, 124° 24′ O