Slichtkleed

Dat gifft allerhand Aarden vun Vagels, de wesselt over dat Johr hen ehre Kleeder (as allerhand Aarden mank de Aantenvagels, de Snippenvagels, de Möven un de Lünkenvagels). Buten de Brödeltied dreegt se en Slichtkleed, ok Roh- oder Winterkleed nömmt. Düt Slichtkleed kummt tostanne dör dat Rusen un fallt meist nich so up un is ok nich so bunt, as dat Smuckkleed. Beide Kleeder könnt sik bannig oder ok meist gor nich verschelen. In dat Slichtkleed könnt de wecken Aarden mank de Vagels man swaar bestimmt weern. Veel Kennteken, wo se anners an to erkennen sünd, fehlt. Ok twuschen Heken un Seken gifft dat in't Slichtkleed keen groten Unnerscheed. Allerhand Heken dreegt denn Feddern, de seht ut as bi de Seken.

• 
  Graue Aanten (Anas platyrhynchos) 2 ♂♂, vörn in't Slichtkleed, achtern ut düt Johr, Graue Aanten dreegt ehr Slichtkleed in'n Sommer un wesselt in'n Harvst wedder in dat Smuckkleed.
• 
  Kruushals (Philomachus pugnax) in't Slichtkleed
• 
  Spree (Sturnus vulgaris) in't Slichtkleed
• 
  En adulte Swattkoppmöwe (Larus ridibundus), de swatte Placken achter dat Ooge is good to sehn, he is tyypsch for dat Slichtkleed

Literatur

• Wolf-Dieter Busching: Handbuch der Gefiederkunde europäischer Vögel. AULA-Verlag, Wiesbaden 1997, ISBN 3-89104-570-0.