Slott Egeskov

Slott Egeskov [[ˈeːəsgɔu̯ʔ]] is en Waterborg up de Insel Fünen in Däänmark. Dat noch middelöllerich präägt Bauwark hett sück in den Loop van sien Geschichte van en vun buten laatgotisch, binnen aber all in’n Stil van de Renaissance gestalt Waterborg to en wahnlich Landslott wannelt. Dat Bauwark is van umfangriek Gordens ümgeven (nah Angaven van de Eegendömer de gröttste historsch Gordenanlaag van Däänmark) un up dat Slottgelände befinnen sück mehrere Museen.

Slott Egeskov

Slott Egeskov

Slott Egeskov

Geschichte

Dat Slott wurr van den Rieksmarschall Frands Brockenhuus (1518–1569) upbaut un 1554 fardigstellt. He harr 1545 Anne Tinhuus heiraadt, de den oorsprünglichen Buurnhoff van hör Öllern övernommen harr. De politischen Unruhen, de Reformatschoon un de Börgerkrieg van 1534 bit 1536 Hemm völ Grootgrundbesitter to de Tiet dorto brocht, ehrn Wahnsitt as swoor intonehmen Festung to bauen. So ok Frands Brockenhuus, de sien Borg midden in en See uprichten dee, nah de Överleefern up en Fundament up so völ Eekenpahlen, dat „ein ganzer Eichenwald dabei draufging“. Dorum ok de Naam Egeskov (Eekenwald).

Bit 1784 wurr Egeskov ünner de Nahkommen van Brockenhuus wiedergeven, dorünner Corfitz Ulfeldt un sien Bröers över hör Moder Anne Brockenhuus. 1784 hett de Geheemrat un Amtmann Henrik Bille-Brahe (1709–1789) dat Slott köfft. He stamm ut dat Adelsgeslecht Bille un harr 1787 dat Patent van de utstorven Adelsfamilie Brahe erstaahn. Bit 1882 bleev Slott Egeskov in‘n Besitz van de Familie Bille-Brahe. Denn hett Julius Ahlefeldt-Laurvig-Bille dat Slott övernommen. He hett den sweedschen Architekten Helgo Zettervall mit de Renoveeren van dat Slott beupdraagt. He hett de Toornhelme höhger maakt, hett de fröheren Stufengeevel weer herstellt un den Doorbau upricht. Sien Nahkommen hörrt dat Slott noch hüüd. 1986 wurr dat för den Tourismus apen maakt.

Museen

Slottmuseum

Wichtigst Deel van de musealen Anlagen is dat Renaissance-Slott sülvst. Dorin sünd ca. teihn prunkvull Rüüm in twee Stockwarken un en Utstellungsberiek in’n Böhn to besichtigen. En groot Antall van exotisch Jagdtrophäen wiest up de Jagdliedenschap van en fröheren Slottherrn hen. Möbel, Gemälde, Musikinstrumente, Porzellan un völ wiedere Kunstgegenstände dokumenteeren de lang Geschichte van dat Huss, de sien Eegendömer hüüd Graf Michael Ahlefeldt-Laurvig-Bille is.

Titanias Palast

Bekanntst Exponat van dat Museum ist dat düchtig groot Puppenhuus „Titanias Palast“, nöömt nah de Elfenkönigin Titania. De engelsch Offizier Sir Neville Wilkinson hett mehr as 15 Johr an dit eenzigaardig Kunstwark baut. De zimmergroot Palast besteiht ut över 3000 Deelen in groot Detailtrüe un bargt to’n Deel sülvst wertvull Kunstschätze. Ünner de Miniaturrüüm van den Palast befinnd sück ünner annern en Kapell mit speelbar Örgel.

Wiedere Museen

Wahnmobil van den Maler Sigurd Swane in dat Automobilmuseum

In de Nebenhüüs befinnen sück mehrere wiedere Museen, dorünner Utstellungen van Automobilen (Oldtimer bit to de 1970er Johren), Floogtüüg un Motorrööd en Museum to de Geschichte vun dat Rettungswesen in Däänmark un en Utstellung van Puppenhüüs. Wiedere Utstellungen befaaten sück mit de Geschichte van de Landwertschap, den Hannel un dat Handwark.

De Sage van dat Holtmännchen

Up de Böhn van den Trappentoorn liggt en Holtfigur, de fröher en Saal van dat Slott smücken dee. Nah de Sage dröfft se nie van hör Platz wegnommen wurrn un moot to Wiehnachten jewiels en nee Strohlager maakt kriegen, ansonsten würr Egeskov in de Hillig Nacht in den Slottgraben afsuupen.

De Gorden

De den Burgsee ümgevend Gordenanlagen sünd to ünnerscheedlich Tieden entstahn un ok in de Gegenwart immer weer utwiet un den touristisch Verwachten anpasst wurrn. En formal Gordenberiek tegenöver van dat Slott wurr all in de 1950er-Jahren rekonstrueert.

In‘n nordöstlichen Deel, de nich apenlich togänglich is, befinnd sück en historsch Irrgorden ut Hainbökenheechen, de in sien Weggmust wietgahnd de berühmt Anlaaag bi den Hampton Court Palace entspreckt; sien Entstahn wurr up dat Johr 1733 dateert. En stark vergröttert un en beten utwiet Nahplanten, entworfen van den Multikünstler Piet Hein, liggt südöstlich van den Borgsee, ebenso twee wiedere moderne Gordenlabyrinthe.

De Goroden kreeg 2012 den „Europääschen Gordenpries“ van dat European Garden Heritage Network in de Kategorie „Weiterentwicklung historischer Anlagen“.

Weblinks

Slott Egeskov. Mehr Biller, Videos oder Audiodateien to’t Thema gifft dat bi Wikimedia Commons.

• Deutsche Homepage. In: egeskov.dk. Afropen an’n 15. Februar 2020 
• Thomas Soltau: Antiker Vergnügungspark auf Schloss Egeskov. In: merian.de. Afropen an’n 15. Februar 2020