Slott Holckenhavn

Dat Slott Holckenhavn (däänsch Holckenhavn Slot) is en Renaissanceslott ut dat 17. Johrhunnert, ca. 4 km südlich van Nyborg (Fünen, Däänmark) liggend.

Slott Holckenhavn, Ansicht van Westen

Beschrieven

Da Bauwark besteiht ut veer Flögeln up meest quadratisch Umreet um en Binnenhoff. Se sünd van en Waterschloot umgeven, över den en breet Steenbrügg in West-Ost-Richt in den Slotthoff führt. Dat Slott befinnd sück in Privatbesitt un wurrd as Konferenzzentrum oder för Fiern bruukt.

De dorto hörrn Göder umfaaten 920 ha, dorvan 380 ha Wald un 400 ha landwertschaplich Flach mit ökologischen Anbau (Deerten wurrn dor nich hollen).

Geschichte

Slott Ellensborg to Tiet van Ellen Marsvin

De Hoff is siet ca. 1300 as „Kogsbølle“ bekannt. He wurr kört nah 1580 en beeten nah Osten dichter an dat Ufer van den Grooten Belt verleggt un in „Ulfeldtsholm“ umnöömt. Rieksraat Jakob Ulfeldt (1535–1593) leet Ost- un Nordflögel mit en Renaissancefassade as ok den Glockentoorn dör den Baumeester Domenicus Badiaz utführen. 1616 hett Ellen Marsvin (1572–1649) den Besitt köfft un leet 1631 den Westflögel un 1634 den Portalbau uprichten. Se hett den bit to hör Dood bewahnt Herrensitt in „Slott Ellensborg“ umnöömt.

1672 hett Eiler Holck dat nu „„Holckehavn Slot““ nöömt Anwesen köfft, dat siet dem in den Besitt van de Familie Holck bleev.

Weblinks

Holckenhavn Slot. Mehr Biller, Videos oder Audiodateien to’t Thema gifft dat bi Wikimedia Commons.