Slott Rosenholm

Slott Rosenholm (däänsch: Rosenholm Slot) is as Standoort siet dat 14. Johrhunnert bekannt. Dat weer bit to de Reformatschoon 1536 in’n Besitt vun de Kark un wurr dornah de Kroon ünnerstellt, de dat 1559 gegen anner Besittdömer vun dat Adelsgeslecht Rosenkrantz intuuschen dee. Dat Slott liggt nördlich vun Hornslet in Jütland up de Halfinsel Djursland in Däänmark.

Dat Slott vun Südosten

In sien hüdige Form wurr dat tüschen 1559 un 1567 upricht un is neben de Borg Spøttrup en vun de öldst Anlagen in Däänmark. Upricht wurrn is dat vun Jørgen „George“ Ottesen Rosenkrantz (1523–1596), Enkel vun Anne Meinstrup, Vader vun Holger Rosenkrantz un Liddmaat vun en vun de öldst Adelsfamilien vun dat Land, deren Naam William Shakespeare in dat Theaterstück Hamlet bruukt hett. Siet 1607 is dat veerflögelige, as en vun ganz wenigen vun de italieensch Renaissance beinfloot Slott kumplett. In de 1740er Johren wurr de fiev Hektar groot Gorden anleggt mit symmetrisch Alleen un Heegen. In dat Binnere wurr dat Slott in’n Barockstil nee inricht. Rosenholm is mit Hunnerten vun Möbeln, Gemälden un Wandteppichen utstatt un in’n Sömmer to besichtigen. Ok mui antokieken is de Gorden-Pavillon, dat so nöömt Pirkentavl ut dat Johr 1560.

Literatur

• Århus Amt: Natur- und Kulturführer für den Kreis Ǻrhus. 1997, ISBN 87-90099-21-4

Weblinks

Slott Rosenholm. Mehr Biller, Videos oder Audiodateien to’t Thema gifft dat bi Wikimedia Commons.

• Website vun dat Slott
• Slott Rosenholm (Grundreet, Biller un touristische Henwiesen)