Sonny Burke
Sonny Burke (* 22. März 1914 in Scranton (Pennsylvania) as Joseph Francis Burke; † 31. Mai 1980 in Santa Monica) weer en US-amerikaansch Jazz-Pianist, Keyboarder, Bandleader, Arrangeur un Komponist.
Leven un Wark
ännernSonny Burke hett 1937 sien Afsluss an de Duke University, wo he en Campus-Band leiten dee, makt. Nah sien Studium hett he mit en Ensemble up en Ozeandamper arbeit. Ansluutend wark he as Arrangeur för verscheeden Orchester, u. a. för Xavier Cugat, Buddy Rogers un Joe Venuti. 1938 övernehm he in New York City de Band vun Sam Donahue, mit de he 1939 un 1940 up Tournee weer. In de 1940er Johren harr he mehrmals verscheeden Bigbands. Dorneben hett he as Arrangeur för Charlie Spivak, Sam Donahue un Jimmy Dorsey (1942–1945) arbeit.
Midden vun de 1940er Johren gung he nah Hollywood, wo he as Upnahmenleiter för Decca Records arbeiten dee. Dor entstunnen ok Upnahmen mit en eegen Band, de ok in dat Hollywood Palladium uptreden. En Hit-Erfolg harr he in Kalifornien mit Mambo Jambo. In siwn Orchesters hebbt Musikers as Milt Bernhart, Pete Candoli, Ray Conniff, Sam Donahue, Charlie Shavers un Si Zentner speelt; sien Bandsingerin weer Jo Ann Greer.
1953 schrieev he för Peggy Lee mit Paul Francis Webster dat Titelstück vun hör Album Black Coffee; 1955 schreev he mit Peggy Lee de Songs för den Disney-Film Susi und Strolch. He hett buterdem an de Kompositschoon vun den Lionel-Hampton-Titel „Midnight Sun“ mitwarkt, för de Johnny Mercer den Text schreev.
In de 1950er Johren hett he as Arrangeur un Bandleader bi völ Studioupnahmen vun Decca ünner annern mit Louis Armstrong un Ella Fitzgerald tosommenarbeit. Burke weer denn musikalisch Leiter vun dat Label Reprise Records un somit ok för tallriek Alben vun Frank Sinatra verantwortlich. Buterdem weer he Orchesterleiter bi Upnahmen vun Ella Fitzgerald und Mel Tormé.
Sonny Burke is nich zu verwesseln mit den Keyboarder Reginald „Sonny“ Burke, de in de 1970er Johren an Upnahmen vun Stanley Turrentine, John Handy un Dizzy Gillespie mitwarkt hett.
Diskographisch Henwiesen
ännern- Sonny Burke plays Mambos (1951)
- Sonny Burke and his Orchestra I & II (1951)
- The Sonny Burke-Don Elliott Six (ca. 1960)
Lexigraphisch Indrääg
ännern- Leonard Feather, Ira Gitler: The Biographical Encyclopedia of Jazz. Oxford University Press, Oxford usw. 1999; ISBN 978-0-19-532000-8