Hauptmenü öffnen

Sophie Armster (borene Plaat; * 1760 in Stood; † 19. Dezember 1832 ok dor) weer en düütsche Schrieversche.

Plaat is 1760 in Stood boren. Se hett den Militärmusiker Johann Georg Armster († 1841) freet. Von 1794 af an hett dat Poor in Stood leevt. Johann Georg Armster hett dat Eckhuus twüschen Lüttje un Grote Smeedstraat köfft un dor en Gasthuus inricht. 1825 hett dat Gasthuus den Naam Stadt London kregen un later den Naam Londoner Schenke. Ok en Kaakschool hett Armster in Stood bedreven.

1828 is in’n Stoder Verlag Pockwitz de eerste Oplaag von Armster ehr Kaakbook rutkamen, dat den Titel Neues auf vieljährige Erfahrung gegründetes Kochbuch harr. Dit Book hett 14 Oplagen sehn, de letzte 1898.

Na’n Dood von Armster un ehren Mann hett jemehr Söhn Friedrich Adolph (1800-1843) dat Gasthuus övernahmen. As Friedrich Adolph 1843 ok doodbleven is, hett siene Weetfro Helene dat Gasthuus wiederföhrt. Dat Gasthuus is in’n April 1869 denn in Konkurs gahn.