Sparrwark
En Sparrwark is en Bowark, dat dwars in en Tiedenstroom rinboot warrt. De Opgaav is, dat dat Water ut de See oder ut gröttere Strööm nich dat Achterland överswemmen kann. Dat Sparrwark hett grote Poorten, de apen- oder dichtmaakt warrn köönt. Dat Sparrwark kann so helpen, de nödige Dieklien körter to maken. Wenn in’n Stroom achter dat Sparrwark noch Scheep föhren schöölt, kann dat je na Waterstand nödig ween, dat dat bi dat Sparrwark ok noch Slüsen gifft.
Dat gifft Sparrwarken, de blots bi Stormfloden dichtmaakt warrt, un ok welk, de bi jede Ebb apen un bi Flood dicht sünd.
In Düütschland gifft dat Sparrwarken vör allen an de Blangenströöm von Elv, Werser un Eems. Aver ok an de Noordseeküst von Sleswig-Holsteen, in de Nedderlannen un in Grootbritannien gifft dat en Reeg Sparrwarken.
-
-
-
-
Eidersparrwark bi Tönn
_Ostesperrwerk.JPG)
