Staatsminister (Belize)

En Staatsminister (engelsch Minister of State) is in dat polietsche System von Belize en Person, de ünner en regulären Minister steiht un em in siene Opgaven ünnerstütt. Anners as de Ministers sünd de Staatsministers keen Maat von dat Kabinett von Belize, hebbt aver dat Recht an de Drepens von dat Kabinett deeltonehmen.

De Staatsministers hebbt dat Leid över dat Daggeschäft von en Ministerium oder Delen von en Ministerium, besünners wenn dat grote Ministerien sünd oder de Minister för en gröttere Tall von Ministerien tostännig is.

De Rull von de Staatsministers is in de Verfaten von Belize in Afsnidd 45 fastleggt. Insett warrt de Staatsministers von’n Generaalguvernör, de Vörslag kummt aver von’n Premierminister un de Generaalguvernör nickt de Vörslääg blots af. De Staatsministers mööt Maat von dat Repräsentantenhuus oder von’n Senaat ween.