Stanley Cohen

Stanley Cohen

Stanley Cohen (* 17. November 1922 in Brooklyn, New York, USA; † 5. Februar 2020 in Nashville, Tennessee[1]) weer en US-amerikaansch Neurowetenschapler un Biochemiker.

Leven un BeroopÄnnern

Cohen wurr as Söhn vun en ut Russland utwannerten Jöden boren. Sien Vader weer Snieder vun Beroop. Sien Schoolafsluss hett he an dat Brooklyn College maakt. Dornah hett he studeert un 1945 sien Master-Afsluss in Zoologie an dat Oberlin College schafft. Dree Johr later, 1948, hett he sien Doktertitel (Ph.D.) an de University of Michigan maakt. Dornah wessel he to de University of Colorado un 1952 to de Washington University. Sien nächst Statschoon weer 1959 de Vanderbilt University.

EhrungenÄnnern

1982 wurr Cohen mit den Alfred P. Sloan, Jr. Prize uttekent, 1983 mit den Louisa-Gross-Horwitz-Preis, 1985 mit en Gairdner Foundation International Award. 1986 kreeg he gemeensam mit Rita Levi-Montalcini den Albert Lasker Award for Basic Medical Research un den Nobelpries för Physiologie oder Medizin för hör Opdecken vun den Nervenwassdomsfaktor. Cohen is Liddmaat vun de Poolsch Akademie vun de Wetenschapen.

FootnotenÄnnern

  1. Biochemist and Nobel Prize winner Stanley Cohen dies in Nashville at age 97. (engelsch).

WeblenkenÄnnern