Starsbeek (Beek)

De Starsbeek is en üm un bi 10,15 Kilometer langen Beek, de in de Eest münnt.

Starsbeek
Laag	Neddersassen
Stroomsystem	Elv
Läng	10,15 km
Afströömrebeed	32,6 km²
Born	bi Sounsiek
Münn	in Mesborg in de Eest
rechte Blangenströöm	Hollinner Beek, Speckmoorgraven
De Starsbeek bi’n Oort Starsbeek

De Born von’n Starsbeek liggt in’n Noordwesten von Sounsiek. Von dor flütt de Beek na Süüdoosten un dör Sounsiek dör. In’n Süüdoosten von Sounsiek dreiht de Beek na Oosten. Bi Holv münnt denn von rechts de Hollinner Beek in’n Starsbeek, de sien Born bi Hollinn hett. Stück later liggt an dat linke Över de Oort Resbossel un op dat rechte Holtörpbossel. Bi Holtörpbossel münnt von rechts de Speckmoorgraven.

De Starsbeek dreiht hier nu op Noordoosten un flütt an Wosbossel vörbi. In’n lütten Oort Starsbeek is de Beek opstaut un hett fröher en Möhl andreven. Op dat letzte Stück liggt rechterhand dat Dörp Emmen un denn münnt de Starsbeek in Mesborg in de Eest.

Dat Water in de Eest flütt denn wieder in de Elv un de Noordsee.

Bet 1998 hett noch de Kläranlaag von Sounsiek ehr Afwater in’n Starsbeek leidt.