Resbossel
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21649 | |
| Vörwahl: | 04165 | |
| Geograafsche Laag: | Koordinaten:53° 23′ N, 9° 39′ O53° 23′ N, 9° 39′ O | |
|
| ||
Resbossel (hoochdüütsch Regesbostel) is en Dörp in de Gemeen Resbossel (Samtgemeen Hullnst) in’n Landkreis Horborg, Neddersassen.
Geografie
ännernDat Water ut dat Rebeed flütt över’n Starsbeek af.
De Naveröörd sünd Rahmstörp, Mesborg un Starsbeek in’n Noordoosten, Wosbossel in’n Oosten, Holtörp, Hullnst un de Holtörper Heid in’n Süüdoosten, Hollinn, Holv, Hassbossel, Löh un Bredenhoorn in’n Süüdwesten, Sounsiek in’n Westen un Beekdörp un Guldbeek in’n Noordwesten.
Historie
ännernIn’n Eersten Weltkrieg sünd twölv Soldaten ut Resbossel fullen oder vermisst un in’n Tweten Weltkrieg 30.[1]
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Hullnst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Vaagdie Hullnst von dat Amt Mesborg tohöört. Von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.
De Oort höört siet dat 19. Johrhunnert to de Gemeen Resbossel to.
Inwahnertall
ännern| Johr | Inwahners |
|---|---|
| 1791[2] | 11 Füürsteden |
| 1812[3] | 90 |
| 1824[4] | 19 Füürsteden |
| 1848[5] | 115 Lüüd, 20 Hüüs |
| 1. Dezember 1871[6] | 142 Lüüd, 26 Hüüs |
| 1. Dezember 1885[7] | 148 Lüüd, 26 Hüüs |
| 1. Dezember 1905[8] | 178 Lüüd, 28 Hüüs |
Religion
ännernResbossel is evangeelsch-luthersch präägt un höört to dat Kaspel von de Andreas-Kark in Hullnst.
För de Kathoolschen is de St.-Petrus-Kark in Bookholt tostännig.
De Karkhoff in Resbossel liggt an de Straat Na’n hogen Barg.
Kultur
ännernEn Denkmaal för de Fullenen ut de twee Weltkrieg’ steiht in Resbossel an de Eck Hauptstraat/Bargstraat.
Weertschop un Infrastruktur
ännernResbossel hett en egene freewillige Füürwehr.
Verkehr
ännernVon Resbossel löppt in’n Süüdoosten de Kreisstraat 38 na Holtörp un an de K 16. De K 16 wedder föhrt in’n Oosten na Hullnst an de Landsstraat 141 un in’n Westen över Holv un Hassbossel na Löh an de L 130. Lüttjere Straten föhrt ans ok na Sounsiek, Guldbeek, Rahmstörp un Wosbossel.
De nächste Autobahn is de Autobahn 1 (Afsnidd Hamborg–Bremen). De Opfohrt 46 Heidenau liggt so fiev Kilometer in’n Süüdwesten von Resbossel an de K 15 un de Opfohrt 45 Hullnst söss Kilometer in’n Süüdoosten an de L 141.
De nächste Bahnhoff is so bi twölv Kilometer wied weg in’n Noordwesten de Bahnhoff Obbens an de Bahnlien Bremerhoben–Buxthu. De Bahnhoff Buxthu an de Nedderelvbahn twüschen Cuxhoben un Hamborg liggt 13 Kilometer in’n Noordoosten.
Scholen
ännernDe Grundschölers ut Resbossel gaht na de Grundschool Mesborg.
In Resbossel gifft dat ok en Speelkreis.
Literatur
ännern- Wilhelm Marquardt: Chronik der Gemeinden Halvesbostel mit Holvede und Regesbostel mit Holtorfsbostel und Rahmstorf. Christians, Hamborg 1989
Footnoten
ännern- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 188
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 61
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 500
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 145
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 78