Steffen Freund

Steffen Freund (* 19. Januar 1970 in Brannenborg an de Havel) is en ehmalger düütsch Footballspeler un -trainer.

De Middelfeldspeler speel van 1976 bit 1983 för BSG Motor Süd Brandenburg un dornah bit 1991 för BSG Stahl Brandenburg bzw. BSV Stahl Brandenburg. Van 1991 bit 1993 harr he en Verdrag mit FC Schalke 04 un speel denn bit 1993 bi Borussia Mönnchengladbach. Denn wessel he up de Britisch Insel un speel bit 2003 för Tottenham Hotspur. 2003 speel he noch mal für den 1. FC Kaiserslautern un 2004 för Leicester City. He hett 170 Bundsligaspelen to verteeken, in de he 9 Doren schaaten hett.

För de düütsch Natschonalmannschap hett he in de Johren 1995 bit 1998 insgesamt 21 Lännerspelen maakt. Mit de Mannschap wurr he 1996 Europameester un nehm ok an de Weltmeesterschap 1998 deel. 1992 harr he all twee Insätze in de Olympisch Footballmannschap.

Laterhen weer he Trainer vun eenig düütsch Football-Jöögdnatschonalmannschapen un Co-Trainer bi Tottenham.

Borns

• Bernd Rohr, Günter Simon: Fußball-Lexikon, 2004 Copress Verlag, ISBN 3-7679-0829-8