Stian Eckhoff (* 3. September 1979 in Trondheim) is en ehmalger norweegsch Biathlet.

Karriere ännern

Mit teihn Johren fung Eckhoff mit den Biathlonsport an un wurr mit 17 Jahren in dat Junioren-Natschonalteam vun Norwegen upnommen. Af 2000 is he in Weltcup antreeden. Sien eersten Weltcupsieg reck he 2004 in Östersund (Sweden) in' Sprint. De Saison 2004/2005 hett he as 10. van den Gesamtweltcup afslooten un weer dormit achter Ole Einar Bjørndalen tweetbest Norweger. Dorto keem he in den Massenstartweltcup in de Saison up Platz 5 un in' Sprintweltcup up Platz 7.

Eckhoff sien gröttste Spood weer de Gewinn vun den Staffel-Weltmeestertitel 2005 in Hochfilzen (Öösterriek) an de Siet vun Ole Einar Bjørndalen, Halvard Hanevold un Egil Gjelland.

Bi de Olympisch Winterspelen 2006 reck he mit de norweegsch Staffel gemeensam mit Halvard Hanevold, Frode Andresen un Ole Einar Bjørndalen Platz 5. In sien Loopbahn hett he 8 Weltcupsiege fiern kunnt, dorvan twee Eenzelsiege.

In' Sömmer 2009 geev he sien Rückträe vun den aktiven Sport bekannt.[1] Nah de aktiv Karriere wurr he Trainer un traineert af de Saison 2014/15 dat Natschonalteam van de norweegsch Fruen.

Eckhoff is verlobt mit de norweegsch Biathletin Anne Ingstadbjørg un leevt mit hör tosommen in Trondheim. Sien Süsters Kaja un Tiril sünd ok Biathletinnen.

Weblenken ännern

Enkeld Nahwiesen ännern

  1. vun Viktoria Franke van' 2. September 2009, afropen an den sülvigen Dag