Stuart Leslie

Stuart Leslie (* 30. September 1964) is en Diplomaat ut Belize.

Leslie is 1964 boren.[1] Bevör he in’n diplomaatschen Deenst von sien Land gahn is, weer he Schoolmeester un Administrater an dat St. John’s College in Belize-Stadt.[2]

He weer von 2000 bet 2005 as Nafolger von Michael Ashcroft Stännigen Vertreder von Belize bi de Vereenten Natschonen. An’n 10. Mai 2005 is Leslie dör Butenminister Godfrey Smith aflööst worrn.[2] Dat Leid över de UN-Mission hett denn Janine Coye-Felson övernahmen.[2]

Von September 2005 bet Dezember 2006 harr he as Chief Elections Officer de Elections and Boundaries Commision ünner sik, de sik üm de Wahlen in Belize kümmert. In’n Dezember 2006 hett Dorothy Ann Bradley em aflööst.

In’n Januar 2006 is he ok Ambassador of Trade in dat Ministerium för Butensaken un Butenhannel worrn.

Leslie weer von 2012 bet 2018 Assistant Coordinator in dat Butenministerium un in düsse Rull Maat von de Referendum Unit, de sik mit dat Referendum befaten deit, wat de Grenzkunflikt twüschen Belize un Guatemala vör’n Internatschonalen Gerichtshoff bileggt warrn schall.[3]

FootnotenÄnnern

  1. Belize Public Service Staff List 2014
  2. a b c U.N. Ambassador fired; not loyal enough to minister?, Channel 5 Belize an’n 11. Mai 2005
  3. P.U.P. Recalls Stuart Leslie from Referendum; Alexis Rosado Still in Charge, Channel 5 Belize an’n 15. Februar 2018