Suugproppen
En Suugproppen is en Proppen ut elastisch Materiol, de dör Unnerdruck an en glatte Flach anbackt warrt. Dor warrt en hollen Ruum mit elastisch Materiol umto indrückt un de Luft, de dor in seten hett warrt rutdrückt. So warrt Druck upboot up den hollen Ruum vun dat Medium, wat dor umto is. Normolerwiese is dat Luft. So kummt de Indruck tostanne, as wenn de Proppen sik fastsugen dö.
Dat Prinzip vun den Suugproppen warrt vun tahlrieke Waterdeerter in allerhand Gestalt bruukt, bi Tentakels, Suugföte un Suugmüler.
To'n Naboen vun de Suugproppens ut dat Deerterriek harrn de Minschen Gummi nödig un mössen dor torecht mit kamen. As dat noch nich so wiet weer, hefft se de Suugproppens vun Deerter nahmen. So sind Suugboors to'n Fangen vun Seeschildpadden bruukt wurrn. Ut de Middellannsche See is ok de Fischfang mit Kraken bekannt. Als in de Odyssee warrt de Kraft vun Suugproppens vun en Dintenfisch beschreven: As man em ut de See trecken deit, hangt dor noch Steen an.
Suugproppens in de Technik
ännernKünstliche Suugproppens weert dor sunnerlich to bruukt, Saken en tiedlang an glatte Flachen antobacken. So warrt dat mit Reedschop for de Köken maakt, man ok mit Reedschop for de Navigatschoon an Finsters in Scheepe un Autos oder Heizstäve in't Aquarium. De Suugkraft verhollt sik dor proportschonal bi to den Druckunnerscheed un de Flach, wo dat um geiht: Je höger de Unnerscheed un je lüttjer de Flach, um so grotter de Suugkrat. So kann en enkelten Suugproppen swaare Last holen.
Suugproppens in de Tähnmedizin
ännern
As an'n Anfang vun dat 20. Johrhunnert Totalprothesen in de Tähnmedizin noch nich so maakt weern konnen, datt se akraat passen un vundeswegen vun sülms fastbacken bleven, hett man Suugproppens in Prothesen for Bovengagels inboot. Man wenn de lange Tied bruukt wurrn, hefft de den Kiff in'e Merse maakt, bit hen to Löcker in'n Böhn. So hett man düt Hölpsmiddel later nich mehr nahmen.[1]