Sylvestre Romero Palma
Sylvestre Donato Romero Palma (oder Sylvester, op Spaansch warrt sien Vörnaam faken ok Silvestre schreven; * 1943 oder 1944[1] in Brietsch-Honduras) weer von 1994 bet 2005 de anglikaansche Bischop von Belize.
Romero Palma is in Brietsch-Honduras (vondaag Belize) boren un röömsch-kathoolsch opwussen. He is later na Guatemala tagen, hett den anglikaanschen Glöven annahmen un ok en Fro ut Guatemala freet.[2] He is to’n Preester wieht worrn un weer twölv Johr lang Preester in Guatemala, bevör he na Kalifornien tagen is.[2] Romero is an’n 25. Januar 1994 as Bischop von Belize wieht worrn, nadem sien Vörgänger Desmond Milton Smith 1992 in’t Amt doodbleven weer. He weer dormit de eerste Mestiez, de Bischop von Belize worrn is. Romero is bet Dezember 2004 Bischop bleven. Sien Nafolger in Belize weer Philip Wright. Romero is denn Assistenzbischop in dat Bisdom El Camino Real mit Seet in San José (Kalifornien) worrn, üm dichter bi siene Familie to ween.[1] In San José is Romero von 2005 bet 2007 bleven.
Romero sien Söhn Silvestre Romero is later Bischop von Guatemala worrn.[3]
Footnoten
ännern- ↑ a b Anglican Bishop on his Sudden Departure, 7 News Belize an’n 11. November 2004
- ↑ a b Two Local Churches Invite Residents to Special Events, Gilroy Dispatch an’n 24. Februar 2006
- ↑ Bishop Silvestre Romero installed as Anglican leader in Guatemala, Anglican Communion News Service an’n 27. November 2018