Tahl
En Tahl, Tall oder Tohl is en abstrakten Gegenstand vun de Mathematik. Se warrt unner annern to'n Tellen, in'e Reeg bringen un Meten bruukt. De Tahl gifft an, wo veel vun en Saak dor is (Antahl), wo groot de Unnerscheede sund (Substraktschoon) un wo sik dat mit de Grötte verhöllt.
Wo de Tahlen bruukt weert ännern
In de Mathematik weert Tahlen in de Mengenlehr ut'neen holen. Vunwegen ehre Egenorden verscheelt sik verscheden Mengen vun Tahlen, as de natürlichen, helen, ratschonalen oder rejellen Tahlen. För dat Dorstellen vun Tahlen gifft dat verschedene Tahlen-Systeme, as dat Dualsystem oder dat Dezimalsystem, wat ganz begäng is.
Mannig een Tahl kann avers mit Hölpe vun düsse Systeme nich heel un deel utdrückt weern, sunnerlich gellt dat för de irratschonalen Tahlen. För Tahlen ut düsse Menge weert denn egene Tahlwöör oder -teken bruukt, as bi de Krinktahl un Euler siene Tahl
Kardinaltahlen ännern
De Kardinaltahl warrt bruukt, wenn mit Tahlen angeven weern schall, wo veel vun en Saak dor is.
- „Ik hebb sess Appels.“
- „De weegt 1,8 Kilogramm.“
Ordinaltahlen ännern
De Ordinaltahl warrt bruukt, wenn mit Tahlen en Ordnung beschreven warrt.
- „He wahnt in Huus Nummer 14.“ Hier warrt nich blot en Huus mit en Nummer kenntekent, man dat warrt dor ok in eene Reege mit brocht.
- „Bi den Wettstried hett se den drudden Platz maakt.“
Wichtige Tahlenmengen ännern
Kiek ok bi ännern
- Arithmetik (dat „Reken mit Tahlen“)
- List vun sunnerliche Tahlen
- Schrievwies vun Tahlen
- Tahlennaams
- Ziffer
- Numerologie
Literatur ännern
- Heinz-Dieter Ebbinghaus et. al.: Zahlen. Springer, Berlin 1992, ISBN 3-540-55654-0.
- Georges Ifrah: Universalgeschichte der Zahlen. Parkland, Köln 1998, ISBN 3-88059-956-4.
Weblenken ännern
Artikel "Ziffer" aus Meyers Konversationslexikon
